<< Acts 11 GRK >>


Peter, being accused for preaching to the Gentiles,
   1   Ἤκουσαν  δὲ  οἱ  ἀπόστολοι  καὶ  οἱ  ἀδελφοὶ  οἱ  ὄντες  κατὰ  τὴν  Ἰουδαίαν  ὅτι  καὶ  τὰ  ἔθνη  ἐδέξαντο  τὸν  λόγον  τοῦ  θεοῦ.  2   Ὅτε  δὲ  ἀνέβη  Πέτρος  εἰς  Ἰερουσαλήμ,  διεκρίνοντο  πρὸς  αὐτὸν  οἱ  ἐκ  περιτομῆς  3   λέγοντες  ὅτι  εἰσῆλθεν  πρὸς  ἄνδρας  ἀκροβυστίαν  ἔχοντας  καὶ  συνέφαγεν  αὐτοῖς.  4   Ἀρξάμενος  δὲ  Πέτρος  ἐξετίθετο  αὐτοῖς  καθεξῆς  λέγων· 


makes his defense;
5   ἐγὼ  ἤμην  ἐν  πόλει  Ἰόππῃ  προσευχόμενος  καὶ  εἶδον  ἐν  ἐκστάσει  ὁράμα  καταβαῖνον  σκεῦος  τι  ὡς  ὀθόνην  μεγάλην  τέσσαρσιν  ἀρχαῖς  καθιεμένην  ἐκ  τοῦ  οὐρανοῦ,  καὶ  ἧλθεν  ἄχρις  ἐμοῦ.  6   εἰς  ἣν  ἀτενίσας  κατενόουν  καὶ  εἶδον  τὰ  τετράποδα  τῆς  γῆς  καὶ  τὰ  θηρία  καὶ  τὰ  ἑρπετὰ  καὶ  τὰ  πετεινὰ  τοῦ  οὐρανοῦ.  7   ἤκουσα  δὲ  καὶ  φωνῆς  λεγούσης  μοι·  ἀναστάς,  Πέτρε,  θῦσον  καὶ  φάγε.  8   εἶπον  δὲ  μηδαμῶς,  κύριε,  ὅτι  κοινὸν  ἢ  ἀκάθαρτον  οὐδέποτε  εἰσῆλθεν  εἰς  τὸ  στόμα  μου.  9   ἀπεκρίθη  δὲ  ἐκ  δευτέρου  φωνὴ  ἐκ  τοῦ  οὐρανοῦ·  ἃ  ὁ  θεὸς  ἐκαθάρισεν,  σὺ  μὴ  κοίνου.  10   τοῦτο  δὲ  ἐγένετο  ἐπὶ  τρίς,  καὶ  ἀνεσπάσθη  πάλιν  ἅπαντα  εἰς  τὸν  οὐρανόν.  11   καὶ  ἰδοὺ  ἐξαυτῆς  τρεῖς  ἄνδρες  ἐπέστησαν  ἐπὶ  τὴν  οἰκίαν  ἐν  ᾗ  ἤμεν,  ἀπεσταλμένοι  ἀπὸ  Καισαρείας  πρὸς  με.  12   εἶπεν  δὲ  τὸ  πνεῦμα  μοι  συνελθεῖν  αὐτοῖς  μηδὲν  διακρίναντα.  ἦλθον  δὲ  σὺν  ἐμοὶ  καὶ  οἱ  ἓξ  ἀδελφοὶ  οὗτοι  καὶ  εἰσήλθομεν  εἰς  τὸν  οἶκον  τοῦ  ἀνδρός.  13   ἀπήγγειλεν  δὲ  ἡμῖν  πῶς  εἶδεν  τὸν  ἄγγελον  ἐν  τῷ  οἴκῳ  αὐτοῦ  σταθέντα  καὶ  εἰπόντα·  ἀπόστειλον  εἰς  Ἰόππην  καὶ  μετάπεμψαι  Σίμωνα  τὸν  ἐπικαλούμενον  Πέτρον,  14   ὃς  λαλήσει  ῥήματα  πρὸς  σὲ  ἐν  οἷς  σωθήσῃ  σὺ  καὶ  πᾶς  ὁ  οἶκος  σου.  15   ἐν  δὲ  τῷ  ἄρξασθαι  με  λαλεῖν  ἐπέπεσεν  τὸ  πνεῦμα  τὸ  ἅγιον  ἐπ’  αὐτοὺς  ὥσπερ  καὶ  ἐφ’  ἡμᾶς  ἐν  ἀρχῇ.  16   ἐμνήσθην  δὲ  τοῦ  ῥήματος  τοῦ  κυρίου  ὡς  ἔλεγεν·  Ἰωάννης  μὲν  ἐβάπτισεν  ὕδατι,  ὑμεῖς  δὲ  βαπτισθήσεσθε  ἐν  πνεύματι  ἁγίῳ.  17   εἰ  οὖν  τὴν  ἴσην  δωρεὰν  ἔδωκεν  αὐτοῖς  ὁ  θεὸς  ὡς  καὶ  ἡμῖν  πιστεύσασιν  ἐπὶ  τὸν  κύριον  Ἰησοῦν  Χριστόν,  ἐγὼ  τίς  ἤμην  δυνατὸς  κωλῦσαι  τὸν  θεόν; 


which is accepted.
18   Ἀκούσαντες  δὲ  ταῦτα  ἠσύχασαν  καὶ  ἐδόξασαν  τὸν  θεὸν  λέγοντες·  ἄρα  καὶ  τοῖς  ἔθνεσιν  ὁ  θεὸς  τὴν  μετάνοιαν  εἰς  ζωὴν  ἔδωκεν. 


The gospel being spread in Phoenicia, and Cyprus, and Antioch,
   19   Οἱ  μὲν  οὖν  διασπαρέντες  ἀπὸ  τῆς  θλίψεως  τῆς  γενομένης  ἐπὶ  Στεφάνῳ  διῆλθον  ἕως  Φοινίκης  καὶ  Κύπρου  καὶ  Ἀντιοχείας  μηδενὶ  λαλοῦντες  τὸν  λόγον  εἰ  μὴ  μόνον  Ἰουδαίοις.  20   Ἦσαν  δέ  τινες  ἐξ  αὐτῶν  ἄνδρες  Κύπριοι  καὶ  Κυρηναῖοι,  οἵτινες  ἐλθόντες  εἰς  Ἀντιόχειαν  ἐλάλουν  καὶ  πρὸς  τοὺς  Ἑλληνιστὰς  εὐαγγελιζόμενοι  τὸν  κύριον  Ἰησοῦν.  21   καὶ  ἦν  χεὶρ  κυρίου  μετ’  αὐτῶν,  πολύς  τε  ἀριθμὸς  ὁ  πιστεύσας  ἐπέστρεψεν  ἐπὶ  τὸν  κύριον. 


Barnabas is sent to confirm them.
22   Ἠκούσθη  δὲ  ὁ  λόγος  εἰς  τὰ  ὦτα  τῆς  ἐκκλησίας  τῆς  οὔσης  ἐν  Ἰερουσαλὴμ  περὶ  αὐτῶν  καὶ  ἐξαπέστειλαν  Βαρναβᾶν  ἕως  Ἀντιοχείας.  23   ὃς  παραγενόμενος  καὶ  ἰδὼν  τὴν  χάριν  τὴν  τοῦ  θεοῦ,  ἐχάρη  καὶ  παρεκάλει  πάντας  τῇ  προθέσει  τῆς  καρδίας  προσμένειν  ἐν  τῷ  κυρίῳ,  24   ὅτι  ἦν  ἀνὴρ  ἀγαθὸς  καὶ  πλήρης  πνεύματος  ἁγίου  καὶ  πίστεως  καὶ  προσετέθη  ὄχλος  ἱκανὸς  τῷ  κυρίῳ.  25   ἐξῆλθεν  δὲ  εἰς  Ταρσὸν  ἀναζητῆσαι  Σαῦλον, 


The disciples are first called Christians at Antioch.
26   καὶ  εὑρὼν  ἤγαγεν  εἰς  Αντιόχειαν.  ἐγένετο  δὲ  αὐτοῖς  καὶ  ἐνιαυτὸν  ὅλον  συναχθῆναι  ἐν  τῇ  ἐκκλησίᾳ  καὶ  διδάξαι  ὄχλον  ἱκανόν,  χρηματίσαι  τε  πρώτως  ἐν  Ἀντιοχείᾳ  τοὺς  μαθητὰς  Χριστιανούς. 


They send relief to the brothers in Judea in time of famine.
   27   Ἐν  ταύταις  δὲ  ταῖς  ἡμέραις  κατῆλθον  ἀπὸ  Ἱεροσολύμων  προφῆται  εἰς  Ἀντιόχειαν.  28   ἀναστὰς  δὲ  εἷς  ἐξ  αὐτῶν  ὀνόματι  Ἅγαβος  ἐσήμαινεν  διὰ  τοῦ  πνεύματος  λιμὸν  μεγάλην  μέλλειν  ἔσεσθαι  ἐφ’  ὅλην  τὴν  οἰκουμένην,  ἥτις  ἐγένετο  ἐπὶ  Κλαυδίου.  29   τῶν  δὲ  μαθητῶν,  καθὼς  εὐπορεῖτο  τις,  ὥρισαν  ἕκαστος  αὐτῶν  εἰς  διακονίαν  πέμψαι  τοῖς  κατοικοῦσιν  ἐν  τῇ  Ἰουδαίᾳ  ἀδελφοῖς·  30   ὃ  καὶ  ἐποίησαν  ἀποστείλαντες  πρὸς  τοὺς  πρεσβυτέρους  διὰ  χειρὸς  Βαρναβᾶ  καὶ  Σαύλου. 
<< Acts 11 >>
Biblos Greek and Hebrew Study Bible © 2010 Biblos.com
Online Parallel Bible