<< 3 John 1 GRK >>


He commends Gaius for his piety,
   1   Ὁ  πρεσβύτερος  Γαΐω  τῷ  ἀγαπητῷ,  ὃν  ἐγὼ  ἀγαπῶ  ἐν  αληθείᾳ, 
   2   Ἀγαπητέ,  περὶ  πάντων  εὔχομαι  σε  εὐοδοῦσθαι  καὶ  ὑγιαίνειν,  καθὼς  εὐοδοῦται  σου  ἡ  ψυχή.  3   ἐχάρην  γὰρ  λίαν  ἐρχομένων  ἀδελφῶν  καὶ  μαρτυρούντων  σου  τῇ  ἀληθείᾳ,  καθὼς  σὺ  ἐν  ἀληθείᾳ  περιπατεῖς.  4   μειζοτέραν  τούτων  οὐκ  ἔχω  χάριν,  ἵνα  ἀκούω  τὰ  ἐμὰ  τέκνα  ἐν  τῇ  ἀληθείᾳ  περιπατοῦντα. 


and hospitality,
   5   Ἀγαπητέ,  πιστὸν  ποιεῖς  ὃ  ἐὰν  ἐργάσῃ  εἰς  τοὺς  ἀδελφοὺς  καὶ  τούτο  ξένους,  6   οἳ  ἐμαρτύρησαν  σου  τῇ  ἀγάπῃ  ἐνώπιον  ἐκκλησίας,  οὓς  καλῶς  ποιήσεις  προπέμψας  ἀξίως  τοῦ  θεοῦ· 


to true preachers;
7   ὑπὲρ  γὰρ  τοῦ  ὀνόματος  ἐξῆλθον  μηδὲν  λαμβάνοντες  ἀπὸ  τῶν  ἐθνικῶν.  8   ἡμεῖς  οὖν  ὀφείλομεν  ὑπολαμβάνειν  τοὺς  τοιούτους,  ἵνα  συνεργοὶ  γινώμεθα  τῇ  ἀληθείᾳ. 


complaining of the unkind dealing of ambitious Diotrephes on the contrary side;
   9   Ἔγραψα  τι  τῇ  ἐκκλησίᾳ·  ἀλλ’  ὁ  φιλοπρωτεύων  αὐτῶν  Διοτρέφης  οὐκ  ἐπιδέχεται  ἡμᾶς.  10   διὰ  τοῦτο  ἐὰν  ἔλθω,  ὑπομνήσω  αὐτοῦ  τὰ  ἔργα  ἃ  ποιεῖ  λόγοις  πονηροῖς  φλυαρῶν  ἡμᾶς,  καὶ  μὴ  ἀρκούμενος  ἐπὶ  τούτοις  οὔτε  αὐτὸς  ἐπιδέχεται  τοὺς  ἀδελφοὺς  καὶ  τοὺς  βουλομένους  κωλύει  καὶ  ἐκ  τῆς  ἐκκλησίας  ἐκβάλλει. 


whose evil example is not to be followed;
11   Ἀγαπητέ,  μὴ  μιμοῦ  τὸ  κακὸν  ἀλλὰ  τὸ  ἀγαθόν.  ὁ  ἀγαθοποιῶν  ἐκ  τοῦ  θεοῦ  ἐστιν·  ὁ  κακοποιῶν  οὐχ  ἑώρακεν  τὸν  θεόν. 


and gives special testimony to the good report of Demetrius.
12   Δημητρίῳ  μεμαρτύρηται  ὑπὸ  πάντων  καὶ  ὑπὸ  αὐτῆς  τῆς  ἀληθείας·  καὶ  ἡμεῖς  δὲ  μαρτυροῦμεν,  καὶ  οἶδας  ὅτι  ἡ  μαρτυρία  ἡμῶν  ἀληθής  ἐστιν. 
   13   Πολλὰ  εἶχον  γράψαι  σοι  ἀλλ’  οὐ  θέλω  διὰ  μέλανος  καὶ  καλάμου  σοι  γράφειν·  14   ελπίζω  δὲ  εὐθέως  σε  ἰδεῖν,  καὶ  στόμα  πρὸς  στόμα  λαλήσομεν.  εἰρήνη  σοι.  ἀσπάζονται  σε  οἱ  φίλοι.  ἀσπάζου  τοὺς  φίλους  κατ’  ὄνομα. 
<< 3 John 1 >>
Biblos Greek and Hebrew Study Bible © 2010 Biblos.com
Online Parallel Bible