<< 2 Thessalonians 3 GRK >>


Paul craves their prayers for himself;
   1   Τὸ  λοιπὸν  προσεύχεσθε,  ἀδελφοί,  περὶ  ἡμῶν,  ἵνα  ὁ  λόγος  τοῦ  κυρίου  τρέχῃ  καὶ  δοξάζηται  καθὼς  καὶ  πρὸς  ὑμᾶς,  2   καὶ  ἵνα  ῥυσθῶμεν  ἀπὸ  τῶν  ἀτόπων  καὶ  πονηρῶν  ἀνθρώπων·  οὐ  γὰρ  πάντων  ἡ  πίστις. 


testifies what confidence he has in them;
3   πίστος  δέ  ἐστιν  ὁ  κύριος,  ὃς  στηρίξει  ὑμᾶς  καὶ  φυλάξει  ἀπὸ  τοῦ  πονηροῦ.  4   πεποίθαμεν  δὲ  ἐν  κυρίῳ  ἐφ’  ὑμᾶς,  ὅτι  ἃ  παραγγέλλομεν  καὶ  ποιεῖτε  καὶ  ποιήσετε. 


makes request to God in their behalf;
5   Ὁ  δὲ  κύριος  κατευθύναι  ὑμῶν  τὰς  καρδίας  εἰς  τὴν  ἀγαπὴν  τοῦ  θεοῦ  καὶ  εἰς  τὴν  ὑπομονὴν  τοῦ  Χριστοῦ. 


gives them various precepts, especially to shun idleness, and ill company;
   6   Παραγγέλλομεν  δὲ  ὑμῖν,  ἀδελφοί,  ἐν  ὀνόματι  τοῦ  κυρίου  Ἰησοῦ  Χριστοῦ  στέλλεσθαι  ὑμᾶς  ἀπὸ  πάντος  ἀδελφοῦ  ἀτάκτως  περιπατοῦντος  καὶ  μὴ  κατὰ  τὴν  παράδοσιν  ἣν  παρελάβετε  παρ’  ἡμῶν.  7   αὐτοὶ  γὰρ  οἴδατε  πῶς  δεῖ  μιμεῖσθαι  ἡμᾶς,  ὅτι  οὐκ  ἠτακτήσαμεν  ἐν  ὑμῖν  8   οὐδὲ  δωρεὰν  ἄρτον  ἐφάγομεν  παρά  τινος,  ἀλλ’  ἐν  κόπῳ  καὶ  μόχθῳ  νυκτὸς  καὶ  ἡμέρας  ἐργαζόμενοι  πρὸς  τὸ  μὴ  ἐπιβαρῆσαι  τινα  ὑμῶν·  9   οὐχ  ὅτι  οὐκ  ἔχομεν  ἐξουσίαν,  ἀλλ’  ἵνα  ἑαυτοὺς  τύπον  δῶμεν  ὑμῖν  εἰς  τὸ  μιμεῖσθαι  ἠμᾶς.  10   καὶ  γὰρ  ὅτε  ἦμεν  πρὸς  ὑμᾶς,  τοῦτο  παρηγγέλλομεν  ὑμῖν  ὅτι,  εἴ  τις  οὐ  θέλει  ἐργάζεσθαι  μηδὲ  ἐσθιέτω.  11   ἀκούομεν  γάρ  τινας  περιπατοῦντας  ἐν  ὑμῖν  ἀτάκτως  μηδὲν  ἐργαζομένους  ἀλλὰ  περιεργαζομένους·  12   τοῖς  δὲ  τοιούτοις  παραγγέλλομεν  καὶ  παρακαλοῦμεν  ἐν  κυρίῳ  Ἰησοῦ  Χριστῷ,  ἵνα  μετὰ  ἡσυχίας  ἐργαζόμενοι  τὸν  ἑαυτῶν  ἄρτον  ἐσθίωσιν.  13   ὑμεῖς  δὲ,  ἀδελφοί,  μὴ  ἐγκακήσητε  καλοποιοῦντες.  14   εἰ  δέ  τις  οὐχ  ὑπακούει  τῷ  λόγῳ  ἡμῶν  διὰ  τῆς  ἐπιστολῆς,  τοῦτον  σημειοῦσθε  μὴ  συναναμίγνυσθαι  αὐτῷ  ἵνα  ἐντραπῇ·  15   καὶ  μὴ  ὡς  ἐχθρὸν  ἡγεῖσθε,  ἀλλὰ  νουθετεῖτε  ὡς  ἀδελφόν. 


and then concludes with prayer and salutation.
   16   Αὐτὸς  δὲ  ὁ  κύριος  τῆς  εἰρήνης  δῴη  ὑμῖν  τὴν  εἰρήνην  διὰ  πάντος  ἐν  παντὶ  τρόπῳ.  ὁ  κύριος  μετὰ  παντων  υμων. 
   17   Ὁ  ἀσπασμὸς  τῇ  ἐμῇ  χειρὶ  Παύλου,  ὅ  ἐστιν  σημεῖον  ἐν  πάσῃ  ἐπιστολῇ·  οὕτως  γράφω.  18   ἡ  χάρις  τοῦ  κύριου  ἡμῶν  Ἰησοῦ  Χριστοῦ  μετὰ  πάντων  ὑμῶν. 
<< 2 Thessalonians 3 >>
Biblos Greek and Hebrew Study Bible © 2010 Biblos.com
Online Parallel Bible