<< 1 Timothy 2 GRK >>


Instruction to pray and give thanks.
   1   Παρακαλῶ  οὖν  πρῶτον  πάντων  ποιεῖσθαι  δεήσεις  προσευχὰς  ἐντεύξεις  εὐχαριστίας  ὑπὲρ  πάντων  ἀνθρώπων,  2   ὑπὲρ  βασιλέων  καὶ  πάντων  τῶν  ἐν  ὑπεροχῇ  ὄντων,  ἵνα  ἤρεμον  καὶ  ἡσύχιον  βίον  διάγωμεν  ἐν  πάσῃ  εὐσεβείᾳ  καὶ  σεμνότητι.  3   τοῦτο  καλὸν  καὶ  ἀπόδεκτον  ἐνώπιον  τοῦ  σωτῆρος  ἡμῶν  θεοῦ,  4   ὃς  πάντας  ἀνθρώπους  θέλει  σωθῆναι  καὶ  εἰς  ἐπίγνωσιν  ἀληθείας  ἐλθεῖν. 
      5   εἷς  γὰρ  θεὸς, 
         εἷς  καὶ  μεσίτης  θεοῦ  καὶ  ἀνθρώπων, 
         ἄνθρωπος  Χριστὸς  Ἰησοῦς, 
         6   ὁ  δοὺς  ἑαυτὸν  ἀντίλυτρον  ὑπὲρ  πάντων, 
         τὸ  μαρτύριον  καιροῖς  ἰδίοις. 
7   εἰς  ὃ  ἐτέθην  ἐγὼ  κῆρυξ  καὶ  ἀπόστολος,  ἀλήθειαν  λέγω  οὐ  ψεύδομαι,  διδάσκαλος  ἐθνῶν  ἐν  πίστει  καὶ  ἀληθείᾳ. 
   8   Βούλομαι  οὖν  προσεύχεσθαι  τοὺς  ἄνδρας  ἐν  παντὶ  τόπῳ  ἐπαίροντας  ὁσίους  χεῖρας  χωρὶς  ὀργῆς  καὶ  διαλογισμῶν. 


How women should be attired.
9   Ὡσαύτως  γυναῖκας  ἐν  καταστολῇ  κοσμίῳ  μετὰ  αἰδοῦς  καὶ  σωφροσύνης  κοσμεῖν  ἑαυτάς,  μὴ  ἐν  πλέγμασιν  καὶ  χρυσίῳ  ἢ  μαργαρίταις  ἢ  ἱματισμῷ  πολυτελεῖ,  10   ἀλλ’  ὁ  πρέπει  γυναιξὶν  ἐπαγγελλομέναις  θεοσέβειαν  δι’  ἔργων  ἀγαθῶν.  11   γυνὴ  ἐν  ἡσυχίᾳ  μανθανέτω  ἐν  πάσῃ  ὑποταγῇ· 


They are not permitted to teach.
12   διδάσκειν  δὲ  γυναικὶ  οὐκ  ἐπιτρέπω  οὐδὲ  αὐθεντεῖν  ἀνδρός,  ἀλλ’  εἶναι  ἐν  ἡσυχίᾳ.  13   Ἀδὰμ  γὰρ  πρῶτος  ἐπλάσθη,  εἴτα  Ἕυα.  14   καὶ  Ἀδὰμ  οὐκ  ἠπατήθη,  ἡ  δὲ  γυνὴ  ἐξαπατηθεῖσα  ἐν  παραβάσει  γέγονεν· 


They shall be saved if they continue in faith.
15   σωθήσεται  δὲ  διὰ  τῆς  τεκνογονίας,  ἐὰν  μείνωσιν  ἐν  πίστει  καὶ  ἀγάπῃ  καὶ  ἁγιασμῷ  μετὰ  σωφροσύνης. 
<< 1 Timothy 2 >>
Biblos Greek and Hebrew Study Bible © 2010 Biblos.com
Online Parallel Bible