<< 1 Peter 4 GRK >>


He exhorts them to cease from sin and live fore God,
   1   Χριστοῦ  οὖν  παθόντος  σαρκὶ  καὶ  ὑμεῖς  τὴν  αὐτὴν  ἔννοιαν  ὁπλίσασθε  ὅτι  ὁ  παθὼν  σαρκὶ  πέπαυται  ἁμαρτίαις  2   εἰς  τὸ  μηκέτι  ἀνθρώπων  ἐπιθυμίαις  ἀλλὰ  θελήματι  θεοῦ  τὸν  ἐπίλοιπον  ἐν  σαρκὶ  βιῶσαι  χρόνον.  3   ἀρκετὸς  γὰρ  ὁ  παρεληλυθὼς  χρόνος  τὸ  βούλημα  τῶν  ἐθνῶν  κατειργάσθαι  πεπορευμένους  ἐν  ἀσελγείαις,  ἐπιθυμιπαις,  οἰνοφλυγίαις,  κώμοις  πότοις  καὶ  ἀθεμίτοις  εἰδωλολατρίαις.  4   ἐν  ᾧ  ξενίζονται  μὴ  συντρεχόντων  ὑμῶν  εἰς  τὴν  αὐτὴν  τῆς  ἀσωτίας  ἀνάχυσιν  βλασφημοῦντες,  5   οἱ  ἀποδώσουσιν  λόγον  τῷ  ἑτοίμως  κρίνοντι  ζῶντας  καὶ  νεκρούς.  6   είς  τοῦτο  γὰρ  καὶ  νεκροῖς  εὐηγγελίσθη,  ἵνα  κριθῶσιν  μὲν  κατὰ  ἀνθρώπους  σαρκὶ  ζῶσιν  δὲ  κατὰ  θεὸν  πνεύματι. 
   7   Πάντων  δὲ  τὸ  τέλος  ἤγγικεν.  σωφρονήσατε  οὖν  καὶ  νήψατε  εἰς  προσευχάς·  8   πρὸ  πάντων  τὴν  εἰς  ἑαυτοὺς  ἀγάπην  ἐκτενῆ  ἔχοντες,  ὅτι  ἀγάπη  καλύπτει  πλῆθος  ἁμαρτιῶν.  9   φιλόξενοι  εἰς  ἀλλήλους  ἄνευ  γογγυσμοῦ,  10   ἕκαστος  καθὼς  ἔλαβεν  χάρισμα  εἰς  ἑαυτοὺς  αὐτὸ  διακονοῦντες  ὡς  καλοὶ  οἰκονόμοι  ποικίλης  χάριτος  θεοῦ.  11   εἴ  τις  λαλεῖ,  ὡς  λόγια  θεοῦ·  εἴ  τις  διακονεῖ  ὡς  ἐξ  ἰσχύος  ἧς  χορηγεῖ  ὁ  θεὸς,  ἵνα  ἐν  πᾶσιν  δοξάζηται  ὁ  θεὸς  διὰ  Ἰησοῦ  Χριστοῦ,  ᾧ  ἐστιν  ἡ  δόξα  καὶ  τὸ  κράτος  εἰς  τοὺς  αἰῶνας  τῶν  αἰώνων,  ἀμήν. 


and comforts them against persecution.
   12   Ἀγαπητοί,  μὴ  ξενίζεσθε  τῇ  ἐν  ὑμῖν  πυρώσει  πρὸς  πειρασμὸν  ὑμῖν  γινομένῃ  ὡς  ξένου  ὑμῖν  συμβαίνοντος,  13   ἀλλὰ  καθ̀ο  κοινωνεῖτε  τοῖς  τοῦ  Χριστοῦ  παθήμασιν  χαίρετε,  ἵνα  καὶ  ἐν  τῇ  ἀποκαλύψει  τῆς  δόξης  αὐτοῦ  χαρῆτε  ἀγαλλιώμενοι.  14   εἰ  ὀνειδίζεσθε  ἐν  ὀνόματι  Χριστοῦ,  μακάριοι,  ὅτι  τὸ  τῆς  δόξης  καὶ  τὸ  τοῦ  θεοῦ  πνεῦμα  ἐφ’  ὑμᾶς  ἀναπαύεται.  15   μὴ  γάρ  τις  ὑμῶν  πασχέτω  ὡς  φονεὺς  ἢ  κλέπτης  ἢ  κακοποιὸς  ἢ  ὡς  ἀλλοτριεπίσκοπος·  16   εἰ  δὲ  ὡς  Χριστιανός  μὴ  αἰσχυνέσθω,  δοξαζέτω  δὲ  τὸν  θεὸν  ἐν  τῷ  ὀνόματι  τούτῳ.  17   ὅτι  ὁ  καιρὸς  τοῦ  ἄρξασθαι  τὸ  κρίμα  ἀπὸ  τοῦ  οἴκου  τοῦ  θεοῦ·  εἰ  δὲ  πρῶτον  ἀφ’  ἡμῶν  τί  τὸ  τέλος  τῶν  ἀπειθούντων  τῷ  τοῦ  θεοῦ  εὐαγγελίῳ; 
      18   καὶ  εἰ  ὁ  δίκαιος  μόλις  σῴζεται, 
            ὁ  δὲ  ἀσεβὴς  καὶ  ἁμαρτωλὸς  ποῦ  φανεῖται; 
19   ὥστε  καὶ  οἱ  πάσχοντες  κατὰ  τὸ  θέλημα  τοῦ  θεοῦ  πιστῷ  κτίστῃ  παρατιθέσθωσαν  τὰς  ψυχὰς  ἐν  ἀγαθοποιΐᾳ. 
<< 1 Peter 4 >>
Biblos Greek and Hebrew Study Bible © 2010 Biblos.com
Online Parallel Bible