<< 1 Peter 2 GRK >>


He exhorts to put away wickedness;
   1   Ἀποθέμενοι  οὖν  πᾶσαν  κακίαν  καὶ  πάντα  δόλον  καὶ  ὑπόκρισιν  καὶ  φθόνους  καὶ  πᾶσας  καταλαλιάς,  2   ὡς  ἀρτιγέννητα  βρέφη  τὸ  λογικὸν  ἄδολον  γάλα  ἐπιποθήσατε,  ἵνα  ἐν  αὐτῷ  αὐξηθῆτε  εἰς  σωτηρίαν,  3   εἰ  ἐγεύσασθε  ὅτι  χρηστὸς  ὁ  κύριος. 


showing that Christ is the foundation whereupon they are built.
4   πρὸς  ὃν  προσερχόμενοι  λίθον  ζῶντα  ὑπὸ  ἀνθρώπων  μὲν  ἀποδεδοκιμασμένον  παρὰ  δὲ  θεῷ  ἐκλεκτὸν  ἔντιμον,  5   καὶ  αὐτοὶ  ὡς  λίθοι  ζῶντες  οἰκοδομεῖσθε  οἶκος  πνευματικὸς  εἰς  ἱεράτευμα  ἅγιον  ἀνενέγκαι  πνευματικὰς  θυσίας  εὐπροσδέκτους  θεῷ  διὰ  Ἰησοῦ  Χριστοῦ.  6   διότι  περιέχει  ἐν  γραφὴ, 
      Ἰδοὺ  τίθημι  ἐν  Σιὼν  λίθον 
            ἐκλεκτὸν  ἀκρογωνιαῖον  ἔντιμον 
         καὶ  ὁ  πιστεύων  ἐπ’  αὐτῷ  οὐ  μὴ  καταισχυνθῇ. 
7   ὑμῖν  οὖν  ἡ  τιμὴ  τοῖς  πιστεύουσιν,  ἀπιστοῦσιν  δὲ 
      λίθος  ὃν  ἀπεδοκίμασαν  οἱ  οἰκοδομοῦντες, 
            οὗτος  ἐγενήθη  εἰς  κεφαλὴν  γωνίας 
8   καὶ 
      λίθος  προσκόμματος 
            καὶ  πέτρα  σκανδάλου· 
         οἳ  προσκόπτουσιν  τῷ  λόγῳ  ἀπειθοῦντες  εἰς  ὃ 
            καὶ  ἐτέθησαν. 
   9   Ὑμεῖς  δὲ  γένος  ἐκλεκτόν,  βασίλειον  ἱεράτευμα,  ἔθνος  ἅγιον,  λαὸς  εἰς  περιποίησιν,  ὅπως  τὰς  ἀρετὰς  ἐξαγγείλητε  τοῦ  ἐκ  σκότους  ὑμᾶς  καλέσαντος  εἰς  τὸ  θαυμαστὸν  αὐτοῦ  φῶς· 
      10   οἵ  ποτε  οὐ  λαὸς 
            νῦν  δὲ  λαὸς  θεοῦ 
         οἱ  οὐκ  ἠλεημένοι 
            νῦν  δὲ  ἐλεηθέντες. 


He beseeches them also to abstain from sinful desires;
   11   Ἀγαπητοί,  παρακαλῶ  ὡς  παροίκους  καὶ  παρεπιδήμους  ἀπέχεσθαι  τῶν  σαρκικῶν  ἐπιθυμιῶν  αἵτινες  στρατεύονται  κατὰ  τῆς  ψυχῆς·  12   τὴν  ἀναστροφὴν  ὑμῶν  ἐν  τοῖς  ἔθνεσιν  ἔχοντες  καλήν,  ἵνα  ἐν  ᾧ  καταλαλοῦσιν  ὑμῶν  ὡς  κακοποιῶν  ἐκ  τῶν  καλῶν  ἔργων  ἐποπτεύοντες  δοξάσωσιν  τὸν  θεὸν  ἐν  ἡμέρᾳ  ἐπισκοπῆς. 


to be obedient to authorities;
   13   Ὑποτάγητε  πάσῃ  ἀνθρωπίνῃ  κτίσει  διὰ  τὸν  κύριον,  εἴτε  βασιλεῖ  ὡς  ὑπερέχοντι,  14   εἴτε  ἡγεμόσιν  ὡς  δι’  αὐτοῦ  πεμπομένοις  εἰς  ἐκδίκησιν  κακοποιῶν  ἔπαινον  δὲ  ἀγαθοποιῶν·  15   ὅτι  οὕτως  ἐστιν  τὸ  θέλημα  τοῦ  θεοῦ  ἀγαθοποιοῦντας  φιμοῦν  τὴν  τῶν  ἀφρόνων  ἀνθρώπων  ἀγνωσίαν,  16   ὡς  ἐλεύθεροι  καὶ  μὴ  ὡς  ἐπικάλυμμα  ἔχοντες  τῆς  κακίας  τὴν  ἐλευθερίαν  ἀλλ’  ὡς  θεοῦ  δοῦλοι.  17   πάντας  τιμήσατε,  τὴν  ἀδελφότητα  ἀγαπᾶτε,  τὸν  θεὸν  φοβεῖσθε,  τὸν  βασιλέα  τιμᾶτε. 


and teaches servants how to obey their masters;
   18   Οἱ  οἰκέται  ὑποτασσόμενοι  ἐν  παντὶ  φόβῳ  τοῖς  δεσπόταις,  οὐ  μόνον  τοῖς  ἀγαθοῖς  καὶ  ἐπιεικέσιν  ἀλλὰ  καὶ  τοῖς  σκολιοῖς.  19   τοῦτο  γὰρ  χάρις  εἰ  διὰ  συνείδησιν  θεοῦ  ὑποφέρει  τις  λύπας  πάσχων  ἀδίκως. 


patiently suffering for well doing, after the example of Christ.
20   ποῖον  γὰρ  κλέος  εἰ  ἁμαρτάνοντες  καὶ  κολαφιζόμενοι  ὑπομενεῖτε  ἀλλ’  εἰ  ἀγαθοποιοῦντες  καὶ  πάσχοντες  ὑπομενεῖτε,  τοῦτο  χάρις  παρὰ  θεῷ.  21   εἰς  τοῦτο  γὰρ  ἐκλήθητε,  ὅτι  καὶ  Χριστὸς  ἔπαθεν  ὑπὲρ  ὑμῶν  ὑμῖν  ὑπολιμπάνων  ὑπογραμμὸν  ἵνα  ἐπακολουθήσητε  τοῖς  ἴχνεσιν  αὐτοῦ, 
      22   ὃς  ἁμαρτίαν  οὐκ  ἐποίησεν 
            οὐδὲ  εὑρέθη  δόλος  ἐν  τῷ  στόματι  αὐτοῦ, 
23   ὃς  λοιδορούμενος  οὐκ  ἀντελοιδόρει,  πάσχων  οὐκ  ἠπείλει,  παρεδίδου  δὲ  τῷ  κρίνοντι  δικαίως·  24   ὃς  τὰς  ἁμαρτίας  ἡμῶν  αὐτὸς  ἀνήνεγκεν  ἐν  τῷ  σώματι  αὐτοῦ  ἐπὶ  τὸ  ξύλον,  ἵνα  ταῖς  ἁμαρτίαις  ἀπογενόμενοι  τῇ  δικαιοσύνῃ  ζήσωμεν,  οὗ  τῷ  μώλωπι  ἰάθητε.  25   ἦτε  γὰρ  ὡς  πρόβατα  πλανώμενοι,  ἀλλὰ  ἐπεστράφητε  νῦν  ἐπὶ  τὸν  ποιμένα  καὶ  ἐπίσκοπον  τῶν  ψυχῶν  ὑμῶν. 
<< 1 Peter 2 >>
Biblos Greek and Hebrew Study Bible © 2010 Biblos.com
Online Parallel Bible