<< Psalms 92 HEB >>


The prophet exhorts to praise God
1   מִזְמֹ֥ור  שִׁ֗יר  לְיֹ֣ום  הַשַּׁבָּֽת׃  טֹ֗וב  לְהֹדֹ֥ות  לַיהוָ֑ה  וּלְזַמֵּ֖ר  לְשִׁמְךָ֣  עֶלְיֹֽון׃  2   לְהַגִּ֣יד  בַּבֹּ֣קֶר  חַסְֽדֶּ֑ךָ  וֶ֝אֱמֽוּנָתְךָ֗  בַּלֵּילֹֽות׃  3   עֲ‍ֽלֵי־  עָ֭שֹׂור  וַעֲלֵי־  נָ֑בֶל  עֲלֵ֖י  הִגָּיֹ֣ון  בְּכִנֹּֽור׃ 


For his great works
4   כִּ֤י  שִׂמַּחְתַּ֣נִי  יְהוָ֣ה  בְּפָעֳלֶ֑ךָ  בְּֽמַעֲשֵׂ֖י  יָדֶ֣יךָ  אֲרַנֵּֽן׃  5   מַה־  גָּדְל֣וּ  מַעֲשֶׂ֣יךָ  יְהוָ֑ה  מְ֝אֹ֗ד  עָמְק֥וּ  מַחְשְׁבֹתֶֽיךָ׃ 


For his judgments on the wicked
6   אִֽישׁ־  בַּ֭עַר  לֹ֣א  יֵדָ֑ע  וּ֝כְסִ֗יל  לֹא־  יָבִ֥ין  אֶת־  זֹֽאת׃  7   בִּפְרֹ֤חַ  רְשָׁעִ֨ים  כְּמֹ֥ו  עֵ֗שֶׂב  וַ֭יָּצִיצוּ  כָּל־  פֹּ֣עֲלֵי  אָ֑וֶן  לְהִשָּֽׁמְדָ֥ם  עֲדֵי־  עַֽד׃  8   וְאַתָּ֥ה  מָרֹ֗ום  לְעֹלָ֥ם  יְהוָֽה׃  9   כִּ֤י  הִנֵּ֪ה  אֹיְבֶ֡יךָ  יְֽהוָ֗ה  כִּֽי־  הִנֵּ֣ה  אֹיְבֶ֣יךָ  יֹאבֵ֑דוּ  יִ֝תְפָּרְד֗וּ  כָּל־  פֹּ֥עֲלֵי  אָֽוֶן׃ 


And for his goodness to the godly.
10   וַתָּ֣רֶם  כִּרְאֵ֣ים  קַרְנִ֑י  בַּ֝לֹּתִ֗י  בְּשֶׁ֣מֶן  רַעֲנָֽן׃  11   וַתַּבֵּ֥ט  עֵינִ֗י  בְּשׁ֫וּרָ֥י  בַּקָּמִ֖ים  עָלַ֥י  מְרֵעִ֗ים  תִּשְׁמַ֥עְנָה  אָזְנָֽי׃  12   צַ֭דִּיק  כַּתָּמָ֣ר  יִפְרָ֑ח  כְּאֶ֖רֶז  בַּלְּבָנֹ֣ון  יִשְׂגֶּֽה׃  13   תוּלִים  בְּבֵ֣ית  יְהוָ֑ה  בְּחַצְרֹ֖ות  אֱלֹהֵ֣ינוּ  יַפְרִֽיחוּ׃  14   עֹ֖וד  יְנוּב֣וּן  בְּשֵׂיבָ֑ה  דְּשֵׁנִ֖ים  וְרַֽעֲנַנִּ֣ים  יִהְיֽוּ׃  15   לְ֭הַגִּיד  כִּֽי־  יָשָׁ֣ר  יְהוָ֑ה  צ֝וּרִ֗י  וְֽלֹא־  [עֹלָתָה  כ]  (עַוְלָ֥תָה  ק)  בֹּֽו׃ 
<< Psalm 92 >>
Biblos Greek and Hebrew Study Bible © 2010 Biblos.com
Online Parallel Bible