<< Psalms 82 HEB >>


The psalmist, having exhorted the judges
1   מִזְמֹ֗ור  לְאָ֫סָ֥ף  אֱ‍ֽלֹהִ֗ים  נִצָּ֥ב  בַּעֲדַת־  אֵ֑ל  בְּקֶ֖רֶב  אֱלֹהִ֣ים  יִשְׁפֹּֽט׃  2   עַד־  מָתַ֥י  תִּשְׁפְּטוּ־  עָ֑וֶל  וּפְנֵ֥י  רְ֝שָׁעִ֗ים  תִּשְׂאוּ־  סֶֽלָה׃  3   שִׁפְטוּ־  דַ֥ל  וְיָתֹ֑ום  עָנִ֖י  וָרָ֣שׁ  הַצְדִּֽיקוּ׃  4   פַּלְּטוּ־  דַ֥ל  וְאֶבְיֹ֑ון  מִיַּ֖ד  רְשָׁעִ֣ים  הַצִּֽילוּ׃ 


And reproved their negligence
5   לֹ֤א  יָֽדְע֨וּ  וְלֹ֥א  יָבִ֗ינוּ  בַּחֲשֵׁכָ֥ה  יִתְהַלָּ֑כוּ  יִ֝מֹּ֗וטוּ  כָּל־  מֹ֥וסְדֵי  אָֽרֶץ׃  6   אֲ‍ֽנִי־  אָ֭מַרְתִּי  אֱלֹהִ֣ים  אַתֶּ֑ם  וּבְנֵ֖י  עֶלְיֹ֣ון  כֻּלְּכֶֽם׃  7   אָ֭כֵן  כְּאָדָ֣ם  תְּמוּת֑וּן  וּכְאַחַ֖ד  הַשָּׂרִ֣ים  תִּפֹּֽלוּ׃ 


Prays God to judge
8   קוּמָ֣ה  אֱ֭לֹהִים  שָׁפְטָ֣ה  הָאָ֑רֶץ  כִּֽי־  אַתָּ֥ה  תִ֝נְחַ֗ל  בְּכָל־  הַגֹּויִֽם׃ 
<< Psalm 82 >>
Biblos Greek and Hebrew Study Bible © 2010 Biblos.com
Online Parallel Bible