<< Philippians 3 GRK >>


He warns them to beware of the false teachers;
   1   Τὸ  λοιπόν,  αδελφοι  μου,  χαίρετε  ἐν  κυρίῳ.  τὰ  αὐτὰ  γράφειν  ὑμῖν  ἐμοὶ  μὲν  οὐκ  ὀκνηρόν,  ὑμῖν  δὲ  ἀσφαλές. 
   2   Βλέπετε  τοὺς  κύνας,  βλέπετε  τοὺς  κακοὺς  ἐργάτας,  βλέπετε  τὴν  κατατομήν.  3   ἡμεῖς  γάρ  ἐσμεν  ἡ  περιτομή,  οἱ  πνεύματι  θεοῦ  λατρεύοντες  καὶ  καυχώμενοι  ἐν  Χριστῷ  Ἰησοῦ  καὶ  οὐκ  ἐν  σαρκὶ  πεποιθότες, 


showing that himself has greater cause than they to trust in the righteousness of the law;
4   καίπερ  ἐγὼ  ἔχων  πεποίθησιν  καὶ  ἐν  σαρκί.  εἴ  τις  δοκεῖ  ἄλλος  πεποιθέναι  ἐν  σαρκί,  ἐγὼ  μᾶλλον·  5   περιτομῇ  ὀκταήμερος  ἐκ  γένους  Ἰ̔Ἰσραήλ,  φυλῆς  Βενιαμίν,  Ἑβραῖος  ἐξ  Ἑβραίων,  κατὰ  νόμον  Φαρισαῖος,  6   κατὰ  ζῆλος  διώκων  τὴν  ἐκκλησίαν,  κατὰ  δικαιοσύνην  τὴν  ἐν  νόμῳ  γενόμενος  ἄμεμπτος. 


which he counts as loss, to gain Christ and his righteousness;
7   ἀλλὰ  ἅτινα  ἦν  μοι  κέρδη,  ταῦτα  ἥγημαι  διὰ  τὸν  Χριστὸν  ζημίαν.  8   ἀλλὰ  μενοῦνγε  καὶ  ἡγοῦμαι  πάντα  ζημίαν  εἶναι  διὰ  τὸ  ὑπερέχον  τῆς  γνώσεως  Χριστοῦ  Ἰησοῦ  τοῦ  κυρίου  μου,  δι’  ὃν  τὰ  πάντα  ἐζημιώθην,  καὶ  ἡγοῦμαι  σκύβαλα,  ἵνα  Χριστὸν  κερδήσω  9   καὶ  εὑρεθῶ  ἐν  αὐτῷ,  μὴ  ἔχων  ἐμὴν  δικαιοσύνην  τὴν  ἐκ  νόμου  ἀλλὰ  τὴν  διὰ  πίστεως  Χριστοῦ,  τὴν  ἐκ  θεοῦ  δικαιοσύνην  ἐπὶ  τῇ  πίστει,  10   τοῦ  γνῶναι  αὐτὸν  καὶ  τὴν  δύναμιν  τῆς  ἀναστάσεως  αὐτοῦ  καὶ  κοινωνίαν  παθημάτων  αὐτοῦ  συμμορφιζόμενος  τῷ  θανάτῳ  αὐτοῦ,  11   εἴ  πως  καταντήσω  εἰς  τὴν  ἐξανάστασιν  τὴν  ἐκ  νεκρῶν. 


acknowledging his own imperfection and pressing on toward the goal;
   12   Οὐχ  ὅτι  ἤδη  ἔλαβον  ἢ  ἤδη  τετελείωμαι,  διώκω  δὲ  εἰ  καὶ  καταλάβω,  ἐφ’  ᾧ  καὶ  κατελήμφθην  ὑπὸ  Χριστοῦ  Ἰησοῦ.  13   ἀδελφοί,  ἐγὼ  ἐμαυτὸν  οὔπω  λογίζομαι  κατειληφέναι·  ἐν  δὲ,  τὰ  μὲν  ὀπίσω  ἐπιλανθανόμενος  τοῖς  δὲ  ἔμπροσθεν  ἐπεκτεινόμενος,  14   κατὰ  σκοπὸν  διώκω  εἰς  τὸ  βραβεῖον  τῆς  ἄνω  κλήσεως  τοῦ  θεοῦ  ἐν  Χριστῷ  Ἰησοῦ. 


He exhorts them to be thus minded;
15   ὅσοι  οὖν  τέλειοι,  τοῦτο  φρονῶμεν  καὶ  εἴ  τι  ἑτέρως  φρονεῖτε,  καὶ  τοῦτο  ὁ  θεὸς  ὑμῖν  ἀποκαλύψει·  16   πλὴν  εἰς  ὁ  ἐφθάσαμεν,  τῷ  αὐτῷ  στοιχεῖν. 


and to imitate him,
   17   Συμμιμηταί  μου  γίνεσθε,  ἀδελφοί,  καὶ  σκοπεῖτε  τοὺς  οὕτω  περιπατοῦντας  καθὼς  ἔχετε  τύπον  ἡμᾶς. 


and to decline carnal ways.
18   πολλοὶ  γὰρ  περιπατοῦσιν  οὓς  πολλάκις  ἔλεγον  ὑμῖν,  νῦν  δὲ  καὶ  κλαίων  λέγω,  τοὺς  ἐχθροὺς  τοῦ  σταυροῦ  τοῦ  χ̔Χριστοῦ,  19   ὧν  τὸ  τέλος  ἀπώλεια,  ὧν  ὁ  θεὸς  ἡ  κοιλία  καὶ  ἡ  δόξα  ἐν  τῇ  αἰσχύνῃ  αὐτῶν,  οἱ  τὰ  ἐπίγεια  φρονοῦντες.  20   ἡμῶν  γὰρ  τὸ  πολίτευμα  ἐν  οὐρανοῖς  ὑπάρχει,  ἐξ  οὗ  καὶ  σωτῆρα  ἀπεκδεχόμεθα  κύριον  Ἰησοῦν  Χριστόν,  21   ὃς  μετασχηματίσει  τὸ  σῶμα  τῆς  ταπεινώσεως  ἡμῶν  σύμμορφον  τῷ  σώματι  τῆς  δόξης  αὐτοῦ  κατὰ  τὴν  ἐνέργειαν  τοῦ  δυνάσθαι  αὐτὸν  καὶ  ὑποτάξαι  αὐτῷ  τὰ  πάντα. 
<< Philippians 3 >>
Biblos Greek and Hebrew Study Bible © 2010 Biblos.com
Online Parallel Bible