<< Job 26 HEB >>


Job, reproving the uncharitable spirit of Bildad
1   וַיַּ֥עַן  אִיֹּ֗וב  וַיֹּאמַֽר׃  2   מֶה־  עָזַ֥רְתָּ  לְלֹא־  כֹ֑חַ  הֹ֝ושַׁ֗עְתָּ  זְרֹ֣ועַ  לֹא־  עֹֽז׃  3   מַה־  יָּ֭עַצְתָּ  לְלֹ֣א  חָכְמָ֑ה  וְ֝תוּשִׁיָּ֗ה  לָרֹ֥ב  הֹודָֽעְתָּ׃  4   אֶת־  מִ֭י  הִגַּ֣דְתָּ  מִלִּ֑ין  וְנִשְׁמַת־  מִ֝י  יָצְאָ֥ה  מִמֶּֽךָּ׃ 


acknowledges the power of God to be infinite and unsearchable
5   הָרְפָאִ֥ים  יְחֹולָ֑לוּ  מִתַּ֥חַת  מַ֝֗יִם  וְשֹׁכְנֵיהֶֽם׃  6   עָרֹ֣ום  שְׁאֹ֣ול  נֶגְדֹּ֑ו  וְאֵ֥ין  כְּ֝ס֗וּת  לָֽאֲבַדֹּֽון׃  7   נֹטֶ֣ה  צָפֹ֣ון  עַל־  תֹּ֑הוּ  תֹּ֥לֶה  אֶ֝֗רֶץ  עַל־  בְּלִי־  מָֽה׃  8   צֹרֵֽר־  מַ֥יִם  בְּעָבָ֑יו  וְלֹא־  נִבְקַ֖ע  עָנָ֣ן  תַּחְתָּֽם׃  9   מְאַחֵ֥ז  פְּנֵי־  כִסֵּ֑ה  פַּרְשֵׁ֖ז  עָלָ֣יו  עֲנָנֹֽו׃  10   חֹֽק־  חָ֭ג  עַל־  פְּנֵי־  מָ֑יִם  עַד־  תַּכְלִ֖ית  אֹ֣ור  עִם־  חֹֽשֶׁךְ׃  11   עַמּוּדֵ֣י  שָׁמַ֣יִם  יְרֹופָ֑פוּ  וְ֝יִתְמְה֗וּ  מִגַּעֲרָתֹֽו׃  12   בְּ֭כֹחֹו  רָגַ֣ע  הַיָּ֑ם  [וּבִתוּבְנָתֹו  כ]  (וּ֝בִתְבוּנָתֹ֗ו  ק)  מָ֣חַץ  רָֽהַב׃  13   בְּ֭רוּחֹו  שָׁמַ֣יִם  שִׁפְרָ֑ה  חֹֽלֲלָ֥ה  יָ֝דֹ֗ו  נָחָ֥שׁ  בָּרִֽיחַ׃  14   הֶן־  אֵ֤לֶּה  קְצֹ֬ות  [דַּרְכֹּו  כ]  (דְּרָכָ֗יו  ק)  וּמַה־  שֵּׁ֣מֶץ  דָּ֭בָר  נִשְׁמַע־  בֹּ֑ו  וְרַ֥עַם  [גְּבוּרָתֹו  כ]  (גְּ֝בוּרֹותָ֗יו  ק)  מִ֣י  יִתְבֹּונָֽן׃  ס 
<< Job 26 >>
Biblos Greek and Hebrew Study Bible © 2010 Biblos.com
Online Parallel Bible