עזרא2

ע בא וְאֵלֶּה בְּנֵי הַמְּדִינָה הָעֹלִים מִשְּׁבִי הַגּוֹלָה אֲשֶׁר הֶגְלָה נבוכדנצור (נְבוּכַדְנֶצַּר) מֶלֶךְ-בָּבֶל לְבָבֶל וַיָּשׁוּבוּ לִירוּשָׁלִַם וִיהוּדָה אִישׁ לְעִירוֹ. ע בב אֲשֶׁר-בָּאוּ עִם-זְרֻבָּבֶל יֵשׁוּעַ נְחֶמְיָה שְׂרָיָה רְעֵלָיָה מָרְדֳּכַי בִּלְשָׁן מִסְפָּר בִּגְוַירְחוּם בַּעֲנָה: מִסְפַּר אַנְשֵׁי עַם יִשְׂרָאֵל. ע בג בְּנֵי פַרְעֹשׁאַלְפַּיִם מֵאָה שִׁבְעִים וּשְׁנָיִם. ע בד בְּנֵי שְׁפַטְיָה שְׁלֹשׁ מֵאוֹת שִׁבְעִים וּשְׁנָיִם. ע בה בְּנֵי אָרַח שְׁבַע מֵאוֹת חֲמִשָּׁה וְשִׁבְעִים. ע בו בְּנֵי-פַחַת מוֹאָב לִבְנֵי יֵשׁוּעַ יוֹאָבאַלְפַּיִם שְׁמֹנֶה מֵאוֹת וּשְׁנֵים עָשָׂר. ע בז בְּנֵי עֵילָםאֶלֶף מָאתַיִם חֲמִשִּׁים וְאַרְבָּעָה. ע בח בְּנֵי זַתּוּא תְּשַׁע מֵאוֹת וְאַרְבָּעִים וַחֲמִשָּׁה. ע בט בְּנֵי זַכָּי שְׁבַע מֵאוֹת וְשִׁשִּׁים. ע בי בְּנֵי בָנִי שֵׁשׁ מֵאוֹת אַרְבָּעִים וּשְׁנָיִם. ע ביא בְּנֵי בֵבָי שֵׁשׁ מֵאוֹת עֶשְׂרִים וּשְׁלֹשָׁה. ע ביב בְּנֵי עַזְגָּדאֶלֶף מָאתַיִם עֶשְׂרִים וּשְׁנָיִם. ע ביג בְּנֵי אֲדֹנִיקָםשֵׁשׁ מֵאוֹת שִׁשִּׁים וְשִׁשָּׁה. ע ביד בְּנֵי בִגְוָי אַלְפַּיִם חֲמִשִּׁים וְשִׁשָּׁה. ע בטו בְּנֵי עָדִין אַרְבַּע מֵאוֹת חֲמִשִּׁים וְאַרְבָּעָה. ע בטז בְּנֵי-אָטֵר לִיחִזְקִיָּה תִּשְׁעִים וּשְׁמֹנָה. ע ביז בְּנֵי בֵצָי שְׁלֹשׁ מֵאוֹת עֶשְׂרִים וּשְׁלֹשָׁה. ע ביח בְּנֵי יוֹרָה מֵאָה וּשְׁנֵים עָשָׂר. ע ביט בְּנֵי חָשֻׁם מָאתַיִם עֶשְׂרִים וּשְׁלֹשָׁה. ע בכ בְּנֵי גִבָּר תִּשְׁעִים וַחֲמִשָּׁה. ע בכא בְּנֵי בֵית-לָחֶם מֵאָה עֶשְׂרִים וּשְׁלֹשָׁה. ע בכב אַנְשֵׁי נְטֹפָה חֲמִשִּׁים וְשִׁשָּׁה. ע בכג אַנְשֵׁי עֲנָתוֹת מֵאָה עֶשְׂרִים וּשְׁמֹנָה. ע בכד בְּנֵי עַזְמָוֶת אַרְבָּעִים וּשְׁנָיִם. ע בכה בְּנֵי קִרְיַת עָרִים כְּפִירָה וּבְאֵרוֹת שְׁבַע מֵאוֹת וְאַרְבָּעִים וּשְׁלֹשָׁה. ע בכו בְּנֵי הָרָמָה וָגָבַע שֵׁשׁ מֵאוֹת עֶשְׂרִים וְאֶחָד. ע בכז אַנְשֵׁי מִכְמָס מֵאָה עֶשְׂרִים וּשְׁנָיִם. ע בכח אַנְשֵׁי בֵית-אֵל וְהָעָי מָאתַיִם עֶשְׂרִים וּשְׁלֹשָׁה. ע בכט בְּנֵי נְבוֹ חֲמִשִּׁים וּשְׁנָיִם. ע בל בְּנֵי מַגְבִּישׁ מֵאָה חֲמִשִּׁים וְשִׁשָּׁה. ע בלא בְּנֵי עֵילָם אַחֵראֶלֶף מָאתַיִם חֲמִשִּׁים וְאַרְבָּעָה. ע בלב בְּנֵי חָרִם שְׁלֹשׁ מֵאוֹת וְעֶשְׂרִים. ע בלג בְּנֵי-לֹד חָדִיד וְאוֹנוֹ שְׁבַע מֵאוֹת עֶשְׂרִים וַחֲמִשָּׁה. ע בלד בְּנֵי יְרֵחוֹ שְׁלֹשׁ מֵאוֹת אַרְבָּעִים וַחֲמִשָּׁה. ע בלה בְּנֵי סְנָאָהשְׁלֹשֶׁת אֲלָפִים וְשֵׁשׁ מֵאוֹת וּשְׁלֹשִׁים. ע בלו הַכֹּהֲנִים: בְּנֵי יְדַעְיָה לְבֵית יֵשׁוּעַ תְּשַׁע מֵאוֹת שִׁבְעִים וּשְׁלֹשָׁה. ע בלז בְּנֵי אִמֵּר אֶלֶף חֲמִשִּׁים וּשְׁנָיִם. ע בלח בְּנֵי פַשְׁחוּראֶלֶף מָאתַיִם אַרְבָּעִים וְשִׁבְעָה. ע בלט בְּנֵי חָרִם אֶלֶף וְשִׁבְעָה עָשָׂר. ע במ הַלְוִיִּם: בְּנֵי-יֵשׁוּעַ וְקַדְמִיאֵל לִבְנֵי הוֹדַוְיָה שִׁבְעִים וְאַרְבָּעָה. ע במא הַמְשֹׁרְרִיםבְּנֵי אָסָף מֵאָה עֶשְׂרִים וּשְׁמֹנָה.

ע במב בְּנֵי הַשֹּׁעֲרִים בְּנֵי-שַׁלּוּם בְּנֵי-אָטֵר בְּנֵי-טַלְמֹן בְּנֵי-עַקּוּב בְּנֵי חֲטִיטָא בְּנֵי שֹׁבָיהַכֹּל מֵאָה שְׁלֹשִׁים וְתִשְׁעָה.

ע במג הַנְּתִינִים: בְּנֵי-צִיחָא בְנֵי-חֲשׂוּפָא בְּנֵי טַבָּעוֹת. ע במד בְּנֵי-קֵרֹס בְּנֵי-סִיעֲהָא בְּנֵי פָדוֹן. ע במה בְּנֵי-לְבָנָה בְנֵי-חֲגָבָה בְּנֵי עַקּוּב. ע במו בְּנֵי-חָגָב בְּנֵי-שמלי (שַׁלְמַי) בְּנֵי חָנָן. ע במז בְּנֵי-גִדֵּל בְּנֵי-גַחַר בְּנֵי רְאָיָה. ע במח בְּנֵי-רְצִין בְּנֵי-נְקוֹדָא בְּנֵי גַזָּם. ע במט בְּנֵי-עֻזָּא בְנֵי-פָסֵחַ בְּנֵי בֵסָי. ע בנ בְּנֵי-אַסְנָה בְנֵי-מְעוּנִים בְּנֵי נפיסים (נְפוּסִים). ע בנא בְּנֵי-בַקְבּוּק בְּנֵי-חֲקוּפָא בְּנֵי חַרְחוּר. ע בנב בְּנֵי-בַצְלוּת בְּנֵי-מְחִידָא בְּנֵי חַרְשָׁא. ע בנג בְּנֵי-בַרְקוֹס בְּנֵי-סִיסְרָא בְּנֵי תָמַח. ע בנד בְּנֵי נְצִיחַ בְּנֵי חֲטִיפָא. ע בנה בְּנֵי עַבְדֵי שְׁלֹמֹה: בְּנֵי-סֹטַי בְּנֵי-הַסֹּפֶרֶת בְּנֵי פְרוּדָא. ע בנו בְּנֵי-יַעְלָה בְנֵי-דַרְקוֹן בְּנֵי גִדֵּל. ע בנז בְּנֵי שְׁפַטְיָה בְנֵי-חַטִּיל בְּנֵי פֹּכֶרֶת הַצְּבָיִים בְּנֵי אָמִי. ע בנח כָּל-הַנְּתִינִיםוּבְנֵי עַבְדֵי שְׁלֹמֹה: שְׁלֹשׁ מֵאוֹת תִּשְׁעִים וּשְׁנָיִם.

ע בנט וְאֵלֶּה הָעֹלִים מִתֵּל מֶלַח תֵּל חַרְשָׁא כְּרוּב אַדָּן אִמֵּר וְלֹא יָכְלוּ לְהַגִּיד בֵּית-אֲבוֹתָם וְזַרְעָםאִם מִיִּשְׂרָאֵל הֵם. ע בס בְּנֵי-דְלָיָה בְנֵי-טוֹבִיָּה בְּנֵי נְקוֹדָאשֵׁשׁ מֵאוֹת חֲמִשִּׁים וּשְׁנָיִם.

ע בסא וּמִבְּנֵי הַכֹּהֲנִיםבְּנֵי חֳבַיָּה בְּנֵי הַקּוֹץ: בְּנֵי בַרְזִלַּי אֲשֶׁר לָקַח מִבְּנוֹת בַּרְזִלַּי הַגִּלְעָדִי אִשָּׁה וַיִּקָּרֵא עַל-שְׁמָם. ע בסב אֵלֶּה בִּקְשׁוּ כְתָבָם הַמִּתְיַחְשִׂיםוְלֹא נִמְצָאוּ וַיְגֹאֲלוּ מִן-הַכְּהֻנָּה. ע בסג וַיֹּאמֶר הַתִּרְשָׁתָא לָהֶם אֲשֶׁר לֹא-יֹאכְלוּ מִקֹּדֶשׁ הַקֳּדָשִׁיםעַד עֲמֹד כֹּהֵן לְאוּרִים וּלְתֻמִּים. ע בסד כָּל-הַקָּהָל כְּאֶחָדאַרְבַּע רִבּוֹא אַלְפַּיִם שְׁלֹשׁ-מֵאוֹת שִׁשִּׁים. ע בסה מִלְּבַד עַבְדֵיהֶם וְאַמְהֹתֵיהֶם אֵלֶּהשִׁבְעַת אֲלָפִים שְׁלֹשׁ מֵאוֹת שְׁלֹשִׁים וְשִׁבְעָה וְלָהֶם מְשֹׁרְרִים וּמְשֹׁרְרוֹת מָאתָיִם. ע בסו סוּסֵיהֶם שְׁבַע מֵאוֹת שְׁלֹשִׁים וְשִׁשָּׁה פִּרְדֵיהֶם מָאתַיִם אַרְבָּעִים וַחֲמִשָּׁה. ע בסז גְּמַלֵּיהֶםאַרְבַּע מֵאוֹת שְׁלֹשִׁים וַחֲמִשָּׁה חֲמֹרִיםשֵׁשֶׁת אֲלָפִים שְׁבַע מֵאוֹת וְעֶשְׂרִים.

ע בסח וּמֵרָאשֵׁי הָאָבוֹת בְּבוֹאָם לְבֵית יְהוָה אֲשֶׁר בִּירוּשָׁלִָםהִתְנַדְּבוּ לְבֵית הָאֱלֹהִים לְהַעֲמִידוֹ עַל-מְכוֹנוֹ. ע בסט כְּכֹחָם נָתְנוּ לְאוֹצַר הַמְּלָאכָה זָהָב דַּרְכְּמוֹנִים שֵׁשׁ-רִבֹּאות וָאֶלֶף וְכֶסֶף מָנִים חֲמֵשֶׁת אֲלָפִים וְכָתְנֹת כֹּהֲנִים מֵאָה. ע בע וַיֵּשְׁבוּ הַכֹּהֲנִים וְהַלְוִיִּם וּמִן-הָעָם וְהַמְשֹׁרְרִים וְהַשּׁוֹעֲרִים וְהַנְּתִינִיםבְּעָרֵיהֶם וְכָל-יִשְׂרָאֵל בְּעָרֵיהֶם.