דברי א5

א הא וּבְנֵי רְאוּבֵן בְּכוֹר-יִשְׂרָאֵל כִּי הוּא הַבְּכוֹרוּבְחַלְּלוֹ יְצוּעֵי אָבִיו נִתְּנָה בְּכֹרָתוֹ לִבְנֵי יוֹסֵף בֶּן-יִשְׂרָאֵל וְלֹא לְהִתְיַחֵשׂ לַבְּכֹרָה. א הב כִּי יְהוּדָה גָּבַר בְּאֶחָיו וּלְנָגִיד מִמֶנּוּ וְהַבְּכֹרָה לְיוֹסֵף. א הג בְּנֵי רְאוּבֵן בְּכוֹר יִשְׂרָאֵל: חֲנוֹךְ וּפַלּוּא חֶצְרוֹן וְכַרְמִי. א הד בְּנֵי יוֹאֵלשְׁמַעְיָה בְנוֹ גּוֹג בְּנוֹ שִׁמְעִי בְנוֹ. א הה מִיכָה בְנוֹ רְאָיָה בְנוֹ בַּעַל בְּנוֹ. א הו בְּאֵרָה בְנוֹאֲשֶׁר הֶגְלָה תִּלְּגַת פִּלְנְאֶסֶר מֶלֶךְ אַשֻּׁר הוּא נָשִׂיא לָראוּבֵנִי. א הז וְאֶחָיו לְמִשְׁפְּחֹתָיו בְּהִתְיַחֵשׂ לְתֹלְדוֹתָםהָרֹאשׁ יְעִיאֵל וּזְכַרְיָהוּ. א הח וּבֶלַע בֶּן-עָזָז בֶּן-שֶׁמַע בֶּן-יוֹאֵל הוּא יוֹשֵׁב בַּעֲרֹעֵר וְעַד-נְבוֹ וּבַעַל מְעוֹן. א הט וְלַמִּזְרָח יָשַׁב עַד-לְבוֹא מִדְבָּרָה לְמִן-הַנָּהָר פְּרָת: כִּי מִקְנֵיהֶם רָבוּ בְּאֶרֶץ גִּלְעָד. א הי וּבִימֵי שָׁאוּל עָשׂוּ מִלְחָמָה עִם-הַהַגְרִאִים וַיִּפְּלוּ בְּיָדָם וַיֵּשְׁבוּ בְּאָהֳלֵיהֶם עַל-כָּל-פְּנֵי מִזְרָח לַגִּלְעָד. א היא וּבְנֵי-גָד לְנֶגְדָּם יָשְׁבוּ בְּאֶרֶץ הַבָּשָׁןעַד-סַלְכָה. א היב יוֹאֵל הָרֹאשׁ וְשָׁפָם הַמִּשְׁנֶה וְיַעְנַי וְשָׁפָט בַּבָּשָׁן. א היג וַאֲחֵיהֶם לְבֵית אֲבוֹתֵיהֶם מִיכָאֵל וּמְשֻׁלָּם וְשֶׁבַע וְיוֹרַי וְיַעְכָּן וְזִיעַ וָעֵבֶרשִׁבְעָה. א היד אֵלֶּה בְּנֵי אֲבִיחַיִל בֶּן-חוּרִי בֶּן-יָרוֹחַ בֶּן-גִּלְעָד בֶּן-מִיכָאֵל בֶּן-יְשִׁישַׁי בֶּן-יַחְדּוֹבֶּן-בּוּז. א הטו אֲחִי בֶּן-עַבְדִּיאֵל בֶּן-גּוּנִי רֹאשׁ לְבֵית אֲבוֹתָם. א הטז וַיֵּשְׁבוּ בַּגִּלְעָד בַּבָּשָׁן וּבִבְנֹתֶיהָ וּבְכָל-מִגְרְשֵׁי שָׁרוֹן עַל-תּוֹצְאוֹתָם. א היז כֻּלָּם הִתְיַחְשׂוּ בִּימֵי יוֹתָם מֶלֶךְ-יְהוּדָהוּבִימֵי יָרָבְעָם מֶלֶךְ-יִשְׂרָאֵל.

א היח בְּנֵי-רְאוּבֵן וְגָדִי וַחֲצִי שֵׁבֶט-מְנַשֶּׁה מִן-בְּנֵי-חַיִל אֲנָשִׁים נֹשְׂאֵי מָגֵן וְחֶרֶב וְדֹרְכֵי קֶשֶׁת וּלְמוּדֵי מִלְחָמָהאַרְבָּעִים וְאַרְבָּעָה אֶלֶף וּשְׁבַע-מֵאוֹת וְשִׁשִּׁים יֹצְאֵי צָבָא. א היט וַיַּעֲשׂוּ מִלְחָמָה עִם-הַהַגְרִיאִים וִיטוּר וְנָפִישׁ וְנוֹדָב. א הכ וַיֵּעָזְרוּ עֲלֵיהֶםוַיִּנָּתְנוּ בְיָדָם הַהַגְרִיאִים וְכֹל שֶׁעִמָּהֶם: כִּי לֵאלֹהִים זָעֲקוּ בַּמִּלְחָמָה וְנַעְתּוֹר לָהֶם כִּי-בָטְחוּ בוֹ. א הכא וַיִּשְׁבּוּ מִקְנֵיהֶם גְּמַלֵּיהֶם חֲמִשִּׁים אֶלֶף וְצֹאן מָאתַיִם וַחֲמִשִּׁים אֶלֶף וַחֲמוֹרִים אַלְפָּיִם וְנֶפֶשׁ אָדָם מֵאָה אָלֶף. א הכב כִּי-חֲלָלִים רַבִּים נָפָלוּ כִּי מֵהָאֱלֹהִים הַמִּלְחָמָה וַיֵּשְׁבוּ תַחְתֵּיהֶם עַד-הַגֹּלָה.

א הכג וּבְנֵי חֲצִי שֵׁבֶט מְנַשֶּׁה יָשְׁבוּ בָּאָרֶץ מִבָּשָׁן עַד-בַּעַל חֶרְמוֹן וּשְׂנִיר וְהַר-חֶרְמוֹןהֵמָּה רָבוּ. א הכד וְאֵלֶּה רָאשֵׁי בֵית-אֲבוֹתָם: וְעֵפֶר וְיִשְׁעִי וֶאֱלִיאֵל וְעַזְרִיאֵל וְיִרְמְיָה וְהוֹדַוְיָה וְיַחְדִּיאֵל אֲנָשִׁים גִּבּוֹרֵי חַיִלאַנְשֵׁי שֵׁמוֹת רָאשִׁים לְבֵית אֲבוֹתָם. א הכה וַיִּמְעֲלוּ בֵּאלֹהֵי אֲבֹתֵיהֶם וַיִּזְנוּ אַחֲרֵי אֱלֹהֵי עַמֵּי-הָאָרֶץ אֲשֶׁר-הִשְׁמִיד אֱלֹהִים מִפְּנֵיהֶם. א הכו וַיָּעַר אֱלֹהֵי יִשְׂרָאֵל אֶת-רוּחַ פּוּל מֶלֶךְ-אַשּׁוּר וְאֶת-רוּחַ תִּלְּגַת פִּלְנֶסֶר מֶלֶךְ אַשּׁוּר וַיַּגְלֵם לָראוּבֵנִי וְלַגָּדִי וְלַחֲצִי שֵׁבֶט מְנַשֶּׁה וַיְבִיאֵם לַחְלַח וְחָבוֹר וְהָרָא וּנְהַר גּוֹזָן עַד הַיּוֹם הַזֶּה.

א הכז בְּנֵי לֵוִי: גֵּרְשׁוֹן קְהָת וּמְרָרִי. א הכח וּבְנֵי קְהָתעַמְרָם יִצְהָר וְחֶבְרוֹן וְעֻזִּיאֵל. א הכט וּבְנֵי עַמְרָם אַהֲרֹן וּמֹשֶׁה וּמִרְיָם וּבְנֵי אַהֲרֹןנָדָב וַאֲבִיהוּא אֶלְעָזָר וְאִיתָמָר. א הל אֶלְעָזָר הוֹלִיד אֶת-פִּינְחָס פִּינְחָס הֹלִיד אֶת-אֲבִישׁוּעַ. א הלא וַאֲבִישׁוּעַ הוֹלִיד אֶת-בֻּקִּי וּבֻקִּי הוֹלִיד אֶת-עֻזִּי. א הלב וְעֻזִּי הוֹלִיד אֶת-זְרַחְיָה וּזְרַחְיָה הוֹלִיד אֶת-מְרָיוֹת. א הלג מְרָיוֹת הוֹלִיד אֶת-אֲמַרְיָה וַאֲמַרְיָה הוֹלִיד אֶת-אֲחִיטוּב. א הלד וַאֲחִיטוּב הוֹלִיד אֶת-צָדוֹק וְצָדוֹק הוֹלִיד אֶת-אֲחִימָעַץ. א הלה וַאֲחִימַעַץ הוֹלִיד אֶת-עֲזַרְיָה וַעֲזַרְיָה הוֹלִיד אֶת-יוֹחָנָן. א הלו וְיוֹחָנָן הוֹלִיד אֶת-עֲזַרְיָה הוּא אֲשֶׁר כִּהֵן בַּבַּיִת אֲשֶׁר-בָּנָה שְׁלֹמֹה בִּירוּשָׁלִָם. א הלז וַיּוֹלֶד עֲזַרְיָה אֶת-אֲמַרְיָה וַאֲמַרְיָה הוֹלִיד אֶת-אֲחִיטוּב. א הלח וַאֲחִיטוּב הוֹלִיד אֶת-צָדוֹק וְצָדוֹק הוֹלִיד אֶת-שַׁלּוּם. א הלט וְשַׁלּוּם הוֹלִיד אֶת-חִלְקִיָּה וְחִלְקִיָּה הוֹלִיד אֶת-עֲזַרְיָה. א המ וַעֲזַרְיָה הוֹלִיד אֶת-שְׂרָיָה וּשְׂרָיָה הוֹלִיד אֶת-יְהוֹצָדָק. א המא וִיהוֹצָדָק הָלַךְבְּהַגְלוֹת יְהוָה אֶת-יְהוּדָה וִירוּשָׁלִָם: בְּיַד נְבֻכַדְנֶאצַּר.