דברי א27

א כזא וּבְנֵי יִשְׂרָאֵל לְמִסְפָּרָם רָאשֵׁי הָאָבוֹת וְשָׂרֵי הָאֲלָפִים וְהַמֵּאוֹת וְשֹׁטְרֵיהֶם הַמְשָׁרְתִים אֶת-הַמֶּלֶךְ לְכֹל דְּבַר הַמַּחְלְקוֹת הַבָּאָה וְהַיֹּצֵאת חֹדֶשׁ בְּחֹדֶשׁ לְכֹל חָדְשֵׁי הַשָּׁנָה: הַמַּחֲלֹקֶת הָאַחַתעֶשְׂרִים וְאַרְבָּעָה אָלֶף.

א כזב עַל הַמַּחֲלֹקֶת הָרִאשׁוֹנָה לַחֹדֶשׁ הָרִאשׁוֹןיָשָׁבְעָם בֶּן-זַבְדִּיאֵל וְעַל מַחֲלֻקְתּוֹ עֶשְׂרִים וְאַרְבָּעָה אָלֶף. א כזג מִן-בְּנֵי-פֶרֶץ הָרֹאשׁ לְכָל-שָׂרֵי הַצְּבָאוֹתלַחֹדֶשׁ הָרִאשׁוֹן. א כזד וְעַל מַחֲלֹקֶת הַחֹדֶשׁ הַשֵּׁנִי דּוֹדַי הָאֲחוֹחִי וּמַחֲלֻקְתּוֹ וּמִקְלוֹת הַנָּגִיד וְעַל מַחֲלֻקְתּוֹ עֶשְׂרִים וְאַרְבָּעָה אָלֶף. א כזה שַׂר הַצָּבָא הַשְּׁלִישִׁי לַחֹדֶשׁ הַשְּׁלִישִׁי בְּנָיָהוּ בֶן-יְהוֹיָדָע הַכֹּהֵן רֹאשׁ וְעַל מַחֲלֻקְתּוֹ עֶשְׂרִים וְאַרְבָּעָה אָלֶף. א כזו הוּא בְנָיָהוּ גִּבּוֹר הַשְּׁלֹשִׁים וְעַל-הַשְּׁלֹשִׁים וּמַחֲלֻקְתּוֹ עַמִּיזָבָד בְּנוֹ. א כזז הָרְבִיעִי לַחֹדֶשׁ הָרְבִיעִי עֲשָׂהאֵל אֲחִי יוֹאָב וּזְבַדְיָה בְנוֹ אַחֲרָיו וְעַל מַחֲלֻקְתּוֹ עֶשְׂרִים וְאַרְבָּעָה אָלֶף. א כזח הַחֲמִישִׁי לַחֹדֶשׁ הַחֲמִישִׁי הַשַּׂר שַׁמְהוּת הַיִּזְרָח וְעַל מַחֲלֻקְתּוֹ עֶשְׂרִים וְאַרְבָּעָה אָלֶף. א כזט הַשִּׁשִּׁי לַחֹדֶשׁ הַשִּׁשִּׁי עִירָא בֶן-עִקֵּשׁ הַתְּקוֹעִי וְעַל מַחֲלֻקְתּוֹ עֶשְׂרִים וְאַרְבָּעָה אָלֶף. א כזי הַשְּׁבִיעִי לַחֹדֶשׁ הַשְּׁבִיעִי חֶלֶץ הַפְּלוֹנִי מִן-בְּנֵי אֶפְרָיִם וְעַל מַחֲלֻקְתּוֹ עֶשְׂרִים וְאַרְבָּעָה אָלֶף. א כזיא הַשְּׁמִינִי לַחֹדֶשׁ הַשְּׁמִינִי סִבְּכַי הַחֻשָׁתִי לַזַּרְחִי וְעַל מַחֲלֻקְתּוֹ עֶשְׂרִים וְאַרְבָּעָה אָלֶף. א כזיב הַתְּשִׁיעִי לַחֹדֶשׁ הַתְּשִׁיעִי אֲבִיעֶזֶר הָעַנְּתוֹתִי לבנימיני (לַבֵּן יְמִינִי) וְעַל מַחֲלֻקְתּוֹ עֶשְׂרִים וְאַרְבָּעָה אָלֶף. א כזיג הָעֲשִׂירִי לַחֹדֶשׁ הָעֲשִׂירִי מַהְרַי הַנְּטוֹפָתִי לַזַּרְחִי וְעַל מַחֲלֻקְתּוֹ עֶשְׂרִים וְאַרְבָּעָה אָלֶף. א כזיד עַשְׁתֵּי-עָשָׂר לְעַשְׁתֵּי עָשָׂר הַחֹדֶשׁ בְּנָיָה הַפִּרְעָתוֹנִי מִן-בְּנֵי אֶפְרָיִם וְעַל מַחֲלֻקְתּוֹ עֶשְׂרִים וְאַרְבָּעָה אָלֶף. א כזטו הַשְּׁנֵים עָשָׂר לִשְׁנֵים עָשָׂר הַחֹדֶשׁ חֶלְדַּי הַנְּטוֹפָתִי לְעָתְנִיאֵל וְעַל מַחֲלֻקְתּוֹ עֶשְׂרִים וְאַרְבָּעָה אָלֶף.

א כזטז וְעַל שִׁבְטֵי יִשְׂרָאֵללָראוּבֵנִי נָגִיד אֱלִיעֶזֶר בֶּן-זִכְרִי לַשִּׁמְעוֹנִישְׁפַטְיָהוּ בֶּן-מַעֲכָה. א כזיז לְלֵוִי חֲשַׁבְיָה בֶן-קְמוּאֵל לְאַהֲרֹן צָדוֹק. א כזיח לִיהוּדָה אֵלִיָהוּ מֵאֲחֵי דָוִיד לְיִשָּׂשכָרעָמְרִי בֶּן-מִיכָאֵל. א כזיט לִזְבוּלֻן יִשְׁמַעְיָהוּ בֶּן-עֹבַדְיָהוּ לְנַפְתָּלִייְרִימוֹת בֶּן-עַזְרִיאֵל. א כזכ לִבְנֵי אֶפְרַיִם הוֹשֵׁעַ בֶּן-עֲזַזְיָהוּ לַחֲצִי שֵׁבֶט מְנַשֶּׁה יוֹאֵל בֶּן-פְּדָיָהוּ. א כזכא לַחֲצִי הַמְנַשֶּׁה גִּלְעָדָה יִדּוֹ בֶּן-זְכַרְיָהוּ לְבִנְיָמִןיַעֲשִׂיאֵל בֶּן-אַבְנֵר. א כזכב לְדָן עֲזַרְאֵל בֶּן-יְרֹחָם אֵלֶּה שָׂרֵי שִׁבְטֵי יִשְׂרָאֵל. א כזכג וְלֹא-נָשָׂא דָוִיד מִסְפָּרָם לְמִבֶּן עֶשְׂרִים שָׁנָה וּלְמָטָּה: כִּי אָמַר יְהוָה לְהַרְבּוֹת אֶת-יִשְׂרָאֵל כְּכוֹכְבֵי הַשָּׁמָיִם. א כזכד יוֹאָב בֶּן-צְרוּיָה הֵחֵל לִמְנוֹת וְלֹא כִלָּה וַיְהִי בָזֹאת קֶצֶף עַל-יִשְׂרָאֵל וְלֹא עָלָה הַמִּסְפָּר בְּמִסְפַּר דִּבְרֵי-הַיָּמִים לַמֶּלֶךְ דָּוִיד. א כזכה וְעַל אֹצְרוֹת הַמֶּלֶךְ עַזְמָוֶת בֶּן-עֲדִיאֵל וְעַל הָאֹצָרוֹת בַּשָּׂדֶה בֶּעָרִים וּבַכְּפָרִים וּבַמִּגְדָּלוֹת יְהוֹנָתָן בֶּן-עֻזִּיָּהוּ. א כזכו וְעַל עֹשֵׂי מְלֶאכֶת הַשָּׂדֶה לַעֲבֹדַת הָאֲדָמָהעֶזְרִי בֶּן-כְּלוּב. א כזכז וְעַל-הַכְּרָמִיםשִׁמְעִי הָרָמָתִי וְעַל שֶׁבַּכְּרָמִים לְאֹצְרוֹת הַיַּיִן זַבְדִּי הַשִּׁפְמִי. א כזכח וְעַל-הַזֵּיתִים וְהַשִּׁקְמִים אֲשֶׁר בַּשְּׁפֵלָה בַּעַל חָנָן הַגְּדֵרִי וְעַל-אֹצְרוֹת הַשֶּׁמֶן יוֹעָשׁ. א כזכט וְעַל-הַבָּקָר הָרֹעִים בַּשָּׁרוֹן שטרי (שִׁרְטַי) הַשָּׁרוֹנִי וְעַל-הַבָּקָר בָּעֲמָקִים שָׁפָט בֶּן-עַדְלָי. א כזל וְעַל-הַגְּמַלִּיםאוֹבִיל הַיִּשְׁמְעֵלִי וְעַל-הָאֲתֹנוֹת יֶחְדְּיָהוּ הַמֵּרֹנֹתִי. א כזלא וְעַל-הַצֹּאן יָזִיז הַהַגְרִי כָּל-אֵלֶּה שָׂרֵי הָרְכוּשׁ אֲשֶׁר לַמֶּלֶךְ דָּוִיד. א כזלב וִיהוֹנָתָן דּוֹד-דָּוִיד יוֹעֵץ אִישׁ-מֵבִין וְסוֹפֵר הוּא וִיחִיאֵל בֶּן-חַכְמוֹנִי עִם-בְּנֵי הַמֶּלֶךְ. א כזלג וַאֲחִיתֹפֶל יוֹעֵץ לַמֶּלֶךְ וְחוּשַׁי הָאַרְכִּי רֵעַ הַמֶּלֶךְ. א כזלד וְאַחֲרֵי אֲחִיתֹפֶל יְהוֹיָדָע בֶּן-בְּנָיָהוּ וְאֶבְיָתָר וְשַׂר-צָבָא לַמֶּלֶךְ יוֹאָב.