Lent and Passiontide
LENT AND PASSIONTIDE

Vexilla Regis Prodeunt (1)

Vatican Graduale

1.
Vexilla Regis prodeunt:
Fulget Crucis mysterium,
Quo carne carnis Conditor
Suspensus est patibulo.

2.
Quo vulneratus insuper
Mucrone diro lanceae,
Ut nos lavaret crimine,
Manavit unda et sanguine.

3.
Impleta sunt quae concinit,
David fideli carmine;
Dicens: in nationibus
Regnavit a ligno Deus.

4.
Arbor decora et fulgida,
Ornata Regis purpura,
Electa digno stipite,
Tam sancta membra tangere.

5.
Beata, cujus brachiis,
Saecli pependit pretium;
Statera facta corporis;
Praedamque tulit tartari.

6.
O Crux, ave, spes unica;
Hoc Passionis tempore,
Auge piis justitiam
Reisque dona veniam.

7.
Te summa Deus Trinitas,
Collaudet omnis spiritus,
Quos per Crucis mysterium,
Salvas, rege per saecula.
Amen.

Page 280

no 181 caligaverunt oculi mei
Top of Page
Top of Page