Oon dah shaug ke nuh wah
Je sus suh yah ge ag,
Moo je ge ze yook kuh ke nuh,
Kuh ya nuh guh moo yook.

2 Kah ke bah de ze jig
Tah pe zaun uh be wug;
Tah bah pe nuh uh moog dush ween
E gewh na bwah kah jig.

3 Sha wan dah goo ze jig
Oo ke kan dah nah wah,
A zhe oo ne zhe shin e nig
E we de ish pe ming.

4 Che bwah tuh gwish e nung
Ish pe ming ke zhig oong,
Ke daun gun duh moo ne goo min
E newh waush koo bung in.

5 Nuh guh moo dah suh dush,
Ka goo muh we se dah,
Ke pe moo sa min suh uh keeng
Ish pe ming e zhah yung.