Nuh qua uh muh wah dah nig suh
Ish pe ming a yah jig;
Kuh ke nuh moo je ge ze wug,
Koo tah me gwe noo wug.

2 "Ke che uh pe tan dah goo ze
Owh kah ne boo tah gad,"
E nuh uh moog; nah saub suh ewh
Ke dah e nuh ah min.

3 Ke che twah wan dah goo ze win
Tuh me nah owh Je sus;
Oo dah uh yaun suh ne be wuh
Shuh wan dah goo see win.

4 Mah noo ke zhig oong a yah jig,
Uh keeng kuh ya ne beeng,
Mah muh we tuh e nan duh moog
Che min wah je mik wah.

5 Kuh ke nuh ba mah de ze jig
Min ze wa a yah jig,
Oo dah me noo wah we nah waun
Wa ge mah wuh be nid.