<< Psalms 87 HEB >>


The nature and glory of the church
1   לִבְנֵי־  קֹ֖רַח  מִזְמֹ֣ור  שִׁ֑יר  יְ֝סוּדָתֹ֗ו  בְּהַרְרֵי־  קֹֽדֶשׁ׃  2   אֹהֵ֣ב  יְ֭הוָה  שַׁעֲרֵ֣י  צִיֹּ֑ון  מִ֝כֹּ֗ל  מִשְׁכְּנֹ֥ות  יַעֲקֹֽב׃  3   נִ֭כְבָּדֹות  מְדֻבָּ֣ר  בָּ֑ךְ  עִ֖יר  הָאֱלֹהִ֣ים  סֶֽלָה׃ 


The increase, honor, and comfort of the members thereof.
4   אַזְכִּ֤יר  רַ֥הַב  וּבָבֶ֗ל  לְֽיֹ֫דְעָ֥י  הִנֵּ֤ה  פְלֶ֣שֶׁת  וְצֹ֣ור  עִם־  כּ֑וּשׁ  זֶ֝֗ה  יֻלַּד־  שָֽׁם׃  5   וּֽלֲצִיֹּ֨ון  יֵאָמַ֗ר  אִ֣ישׁ  וְ֭אִישׁ  יֻלַּד־  בָּ֑הּ  וְה֖וּא  יְכֹונְנֶ֣הָ  עֶלְיֹֽון׃  6   יְֽהוָ֗ה  יִ֭סְפֹּר  בִּכְתֹ֣וב  עַמִּ֑ים  זֶ֖ה  יֻלַּד־  שָׁ֣ם  סֶֽלָה׃  7   וְשָׁרִ֥ים  כְּחֹלְלִ֑ים  כָּֽל־  מַעְיָנַ֥י  בָּֽךְ׃ 
<< Psalm 87 >>
Biblos Greek and Hebrew Study Bible © 2010 Biblos.com
Online Parallel Bible