<< Psalms 67 HEB >>


A prayer for the enlargement of God's kingdom
1   לַמְנַצֵּ֥ח  בִּנְגִינֹ֗ת  מִזְמֹ֥ור  שִֽׁיר׃  אֱלֹהִ֗ים  יְחָנֵּ֥נוּ  וִֽיבָרְכֵ֑נוּ  יָ֤אֵ֥ר  פָּנָ֖יו  אִתָּ֣נוּ  סֶֽלָה׃  2   לָדַ֣עַת  בָּאָ֣רֶץ  דַּרְכֶּ֑ךָ  בְּכָל־  גֹּ֝ויִ֗ם  יְשׁוּעָתֶֽךָ׃ 


to the joy of the people
3   יֹוד֖וּךָ  עַמִּ֥ים  אֱלֹהִ֑ים  יֹ֝וד֗וּךָ  עַמִּ֥ים  כֻּלָּֽם׃  4   יִֽשְׂמְח֥וּ  וִֽירַנְּנ֗וּ  לְאֻ֫מִּ֥ים  כִּֽי־  תִשְׁפֹּ֣ט  עַמִּ֣ים  מִישֹׁ֑ור  וּלְאֻמִּ֓ים  בָּאָ֖רֶץ  תַּנְחֵ֣ם  סֶֽלָה׃  5   יֹוד֖וּךָ  עַמִּ֥ים  אֱלֹהִ֑ים  יֹ֝וד֗וּךָ  עַמִּ֥ים  כֻּלָּֽם׃ 


and the increase of God's blessings
6   אֶ֭רֶץ  נָתְנָ֣ה  יְבוּלָ֑הּ  יְ֝בָרְכֵ֗נוּ  אֱלֹהִ֥ים  אֱלֹהֵֽינוּ׃  7   יְבָרְכֵ֥נוּ  אֱלֹהִ֑ים  וְיִֽירְא֥וּ  אֹ֝תֹ֗ו  כָּל־  אַפְסֵי־  אָֽרֶץ׃ 
<< Psalm 67 >>
Biblos Greek and Hebrew Study Bible © 2010 Biblos.com
Online Parallel Bible