<< Psalms 63 HEB >>


David's thirst for God
1   מִזְמֹ֥ור  לְדָוִ֑ד  בִּ֝הְיֹותֹ֗ו  בְּמִדְבַּ֥ר  יְהוּדָֽה׃  אֱלֹהִ֤ים  אֵלִ֥י  אַתָּ֗ה  אֲ‍ֽשַׁחֲ֫רֶ֥ךָּ  צָמְאָ֬ה  לְךָ֨  נַפְשִׁ֗י  כָּמַ֣הּ  לְךָ֣  בְשָׂרִ֑י  בְּאֶֽרֶץ־  צִיָּ֖ה  וְעָיֵ֣ף  בְּלִי־  מָֽיִם׃  2   כֵּ֭ן  בַּקֹּ֣דֶשׁ  חֲזִיתִ֑יךָ  לִרְאֹ֥ות  עֻ֝זְּךָ֗  וּכְבֹודֶֽךָ׃  3   כִּי־  טֹ֣וב  חַ֭סְדְּךָ  מֵֽחַיִּ֗ים  שְׂפָתַ֥י  יְשַׁבְּחֽוּנְךָ׃ 


His manner of blessing God
4   כֵּ֣ן  אֲבָרֶכְךָ֣  בְחַיָּ֑י  בְּ֝שִׁמְךָ  אֶשָּׂ֥א  כַפָּֽי׃  5   כְּמֹ֤ו  חֵ֣לֶב  וָ֭דֶשֶׁן  תִּשְׂבַּ֣ע  נַפְשִׁ֑י  וְשִׂפְתֵ֥י  רְ֝נָנֹ֗ות  יְהַלֶּל־  פִּֽי׃  6   אִם־  זְכַרְתִּ֥יךָ  עַל־  יְצוּעָ֑י  בְּ֝אַשְׁמֻרֹ֗ות  אֶהְגֶּה־  בָּֽךְ׃  7   כִּֽי־  הָיִ֣יתָ  עֶזְרָ֣תָה  לִּ֑י  וּבְצֵ֖ל  כְּנָפֶ֣יךָ  אֲרַנֵּֽן׃  8   דָּבְקָ֣ה  נַפְשִׁ֣י  אַחֲרֶ֑יךָ  בִּ֝֗י  תָּמְכָ֥ה  יְמִינֶֽךָ׃ 


His confidence of his enemies' destruction, and his own safety
9   וְהֵ֗מָּה  לְ֭שֹׁואָה  יְבַקְשׁ֣וּ  נַפְשִׁ֑י  יָ֝בֹ֗אוּ  בְּֽתַחְתִּיֹּ֥ות  הָאָֽרֶץ׃  10   יַגִּירֻ֥הוּ  עַל־  יְדֵי־  חָ֑רֶב  מְנָ֖ת  שֻׁעָלִ֣ים  יִהְיֽוּ׃  11   וְהַמֶּלֶךְ֮  יִשְׂמַ֪ח  בֵּאלֹ֫הִ֥ים  יִ֭תְהַלֵּל  כָּל־  הַנִּשְׁבָּ֣ע  בֹּ֑ו  כִּ֥י  יִ֝סָּכֵ֗ר  פִּ֣י  דֹֽובְרֵי־  שָֽׁקֶר׃ 
<< Psalm 63 >>
Biblos Greek and Hebrew Study Bible © 2010 Biblos.com
Online Parallel Bible