<< Psalms 54 HEB >>


David, complaining of the Ziphims, prays for salvation
1   לַמְנַצֵּ֥חַ  בִּנְגִינֹ֗ת  מַשְׂכִּ֥יל  לְדָוִֽד׃  בְּבֹ֣וא  הַ֭זִּיפִים  וַיֹּאמְר֣וּ  לְשָׁא֑וּל  הֲלֹ֥א  דָ֝וִ֗ד  מִסְתַּתֵּ֥ר  עִמָּֽנוּ׃  אֱ֭לֹהִים  בְּשִׁמְךָ֣  הֹושִׁיעֵ֑נִי  וּבִגְבוּרָתְךָ֥  תְדִינֵֽנִי׃  2   אֱ֭לֹהִים  שְׁמַ֣ע  תְּפִלָּתִ֑י  הַ֝אֲזִ֗ינָה  לְאִמְרֵי־  פִֽי׃  3   כִּ֤י  זָרִ֨ים  קָ֤מוּ  עָלַ֗י  וְֽ֭עָרִיצִים  בִּקְשׁ֣וּ  נַפְשִׁ֑י  לֹ֤א  שָׂ֨מוּ  אֱלֹהִ֖ים  לְנֶגְדָּ֣ם  סֶֽלָה׃ 


Upon his confidence in God's help he promises sacrifice
4   הִנֵּ֣ה  אֱ֭לֹהִים  עֹזֵ֣ר  לִ֑י  אֲ֝דֹנָ֗י  בְּֽסֹמְכֵ֥י  נַפְשִֽׁי׃  5   [יָשֹׁוב  כ]  (יָשִׁ֣יב  ק)  הָ֭רַע  לְשֹׁרְרָ֑י  בַּ֝אֲמִתְּךָ֗  הַצְמִיתֵֽם׃  6   בִּנְדָבָ֥ה  אֶזְבְּחָה־  לָּ֑ךְ  אֹ֤ודֶה  שִּׁמְךָ֖  יְהוָ֣ה  כִּי־  טֹֽוב׃  7   כִּ֣י  מִכָּל־  צָ֭רָה  הִצִּילָ֑נִי  וּ֝בְאֹיְבַ֗י  רָאֲתָ֥ה  עֵינִֽי׃ 
<< Psalm 54 >>
Biblos Greek and Hebrew Study Bible © 2010 Biblos.com
Online Parallel Bible