<< Psalms 52 HEB >>



David, condemning the spitefulness of Doeg, prophesies his destruction
1   לַמְנַצֵּ֗חַ  מַשְׂכִּ֥יל  לְדָוִֽד׃  בְּבֹ֤וא  דֹּואֵ֣ג  הָאֲדֹמִי֮  וַיַּגֵּ֪ד  לְשָׁ֫א֥וּל  וַיֹּ֥אמֶר  לֹ֑ו  בָּ֥א  דָ֝וִ֗ד  אֶל־  בֵּ֥ית  אֲחִימֶֽלֶךְ׃  מַה־  תִּתְהַלֵּ֣ל  בְּ֭רָעָה  הַגִּבֹּ֑ור  חֶ֥סֶד  אֵ֝֗ל  כָּל־  הַיֹּֽום׃  2   הַ֭וֹּות  תַּחְשֹׁ֣ב  לְשֹׁונֶ֑ךָ  כְּתַ֥עַר  מְ֝לֻטָּ֗שׁ  עֹשֵׂ֥ה  רְמִיָּֽה׃  3   אָהַ֣בְתָּ  רָּ֣ע  מִטֹּ֑וב  שֶׁ֓קֶר  מִדַּבֵּ֖ר  צֶ֣דֶק  סֶֽלָה׃  4   אָהַ֥בְתָּ  כָֽל־  דִּבְרֵי־  בָ֗לַע  לְשֹׁ֣ון  מִרְמָֽה׃  5   גַּם־  אֵל֮  יִתָּצְךָ֪  לָ֫נֶ֥צַח  יַחְתְּךָ֣  וְיִסָּחֲךָ֣  מֵאֹ֑הֶל  וְשֵֽׁרֶשְׁךָ֙  מֵאֶ֖רֶץ  חַיִּ֣ים  סֶֽלָה׃ 


The righteous shall rejoice at it
6   וְיִרְא֖וּ  צַדִּיקִ֥ים  וְיִירָ֗אוּ  וְעָלָ֥יו  יִשְׂחָֽקוּ׃  7   הִנֵּ֤ה  הַגֶּ֗בֶר  לֹ֤א  יָשִׂ֥ים  אֱלֹהִ֗ים  מָֽע֫וּזֹּ֥ו  וַ֭יִּבְטַח  בְּרֹ֣ב  עָשְׁרֹ֑ו  יָ֝עֹ֗ז  בְּהַוָּתֹֽו׃ 


David, upon his confidence in God's mercy, gives thanks
8   וַאֲנִ֤י  כְּזַ֣יִת  רַ֭עֲנָן  בְּבֵ֣ית  אֱלֹהִ֑ים  בָּטַ֥חְתִּי  בְחֶֽסֶד־  אֱ֝לֹהִ֗ים  עֹולָ֥ם  וָעֶֽד׃  9   אֹודְךָ֣  לְ֭עֹולָם  כִּ֣י  עָשִׂ֑יתָ  וַאֲקַוֶּ֖ה  שִׁמְךָ֥  כִֽי־  טֹ֝֗וב  נֶ֣גֶד  חֲסִידֶֽיךָ׃ 

<< Psalm 52 >>
Biblos Greek and Hebrew Study Bible © 2010 Biblos.com
Online Parallel Bible