<< Psalms 15 HEB >>


David describes a citizen of Zion
1   מִזְמֹ֗ור  לְדָ֫וִ֥ד  יְ֭הֹוָה  מִי־  יָג֣וּר  בְּאָהֳלֶ֑ךָ  מִֽי־  יִ֝שְׁכֹּ֗ן  בְּהַ֣ר  קָדְשֶֽׁךָ׃  2   הֹולֵ֣ךְ  תָּ֭מִים  וּפֹעֵ֥ל  צֶ֑דֶק  וְדֹבֵ֥ר  אֱ֝מֶ֗ת  בִּלְבָבֹֽו׃  3   לֹֽא־  רָגַ֨ל  עַל־  לְשֹׁנֹ֗ו  לֹא־  עָשָׂ֣ה  לְרֵעֵ֣הוּ  רָעָ֑ה  וְ֝חֶרְפָּ֗ה  לֹא־  נָשָׂ֥א  עַל־  קְרֹֽבֹו׃  4   נִבְזֶ֤ה  בְּֽעֵ֘ינָ֤יו  נִמְאָ֗ס  וְאֶת־  יִרְאֵ֣י  יְהוָ֣ה  יְכַבֵּ֑ד  נִשְׁבַּ֥ע  לְ֝הָרַ֗ע  וְלֹ֣א  יָמִֽר׃  5   כַּסְפֹּ֤ו  לֹא־  נָתַ֣ן  בְּנֶשֶׁךְ֮  וְשֹׁ֥חַד  עַל־  נָקִ֗י  לֹ֥א  לָ֫קָ֥ח  עֹֽשֵׂה־  אֵ֑לֶּה  לֹ֖א  יִמֹּ֣וט  לְעֹולָֽם׃ 
<< Psalm 15 >>
Biblos Greek and Hebrew Study Bible © 2010 Biblos.com
Online Parallel Bible