<< Psalms 146 HEB >>


The Psalmist vows perpetual praises to God
1   הַֽלְלוּ־  יָ֡הּ  הַלְלִ֥י  נַ֝פְשִׁ֗י  אֶת־  יְהוָֽה׃  2   אֲהַלְלָ֣ה  יְהוָ֣ה  בְּחַיָּ֑י  אֲזַמְּרָ֖ה  לֵֽאלֹהַ֣י  בְּעֹודִֽי׃ 


He exhorts not to trust in man
3   אַל־  תִּבְטְח֥וּ  בִנְדִיבִ֑ים  בְּבֶן־  אָדָ֓ם  שֶׁ֤אֵֽין  לֹ֥ו  תְשׁוּעָֽה׃  4   תֵּצֵ֣א  ר֭וּחֹו  יָשֻׁ֣ב  לְאַדְמָתֹ֑ו  בַּיֹּ֥ום  הַ֝ה֗וּא  אָבְד֥וּ  עֶשְׁתֹּנֹתָֽיו׃ 


God, for his power, justice, mercy, and kingdom, is only worthy to be trusted
5   אַשְׁרֵ֗י  שֶׁ֤אֵ֣ל  יַעֲקֹ֣ב  בְּעֶזְרֹ֑ו  בְרֹ֗ו  עַל־  יְהוָ֥ה  אֱלֹהָֽיו׃  6   עֹשֶׂ֤ה  שָׁ֘מַ֤יִם  וָאָ֗רֶץ  אֶת־  הַיָּ֥ם  וְאֶת־  כָּל־  אֲשֶׁר־  בָּ֑ם  הַשֹּׁמֵ֖ר  אֱמֶ֣ת  לְעֹולָֽם׃  7   עֹשֶׂ֤ה  מִשְׁפָּ֨ט  לָעֲשׁוּקִ֗ים  נֹתֵ֣ן  לֶ֭חֶם  לָרְעֵבִ֑ים  יְ֝הוָ֗ה  מַתִּ֥יר  אֲסוּרִֽים׃  8   יְהוָ֤ה  פֹּ֘קֵ֤חַ  עִוְרִ֗ים  יְ֭הוָה  זֹקֵ֣ף  כְּפוּפִ֑ים  יְ֝הוָ֗ה  אֹהֵ֥ב  צַדִּיקִֽים׃  9   יְהוָ֤ה  שֹׁ֘מֵ֤ר  אֶת־  גֵּרִ֗ים  יָתֹ֣ום  וְאַלְמָנָ֣ה  יְעֹודֵ֑ד  וְדֶ֖רֶךְ  רְשָׁעִ֣ים  יְעַוֵּֽת׃  10   יִמְלֹ֤ךְ  יְהוָ֨ה  לְעֹולָ֗ם  אֱלֹהַ֣יִךְ  צִ֭יֹּון  לְדֹ֥ר  וָדֹ֗ר  הַֽלְלוּ־  יָֽהּ׃ 
<< Psalm 146 >>
Biblos Greek and Hebrew Study Bible © 2010 Biblos.com
Online Parallel Bible