<< Psalms 107 HEB >>


The psalmist exhorts the redeemed in praising God to observe his manifold providence
1   הֹד֣וּ  לַיהוָ֣ה  כִּי־  טֹ֑וב  כִּ֖י  לְעֹולָ֣ם  חַסְדֹּֽו׃  2   יֹ֭אמְרוּ  גְּאוּלֵ֣י  יְהוָ֑ה  אֲשֶׁ֥ר  גְּ֝אָלָ֗ם  מִיַּד־  צָֽר׃  3   וּֽמֵאֲרָצֹ֗ות  קִ֫בְּצָ֥ם  מִמִּזְרָ֥ח  וּמִֽמַּעֲרָ֑ב  מִצָּפֹ֥ון  וּמִיָּֽם׃ 


Over travelers
4   תָּע֣וּ  בַ֭מִּדְבָּר  בִּישִׁימֹ֣ון  דָּ֑רֶךְ  עִ֥יר  מֹ֝ושָׁ֗ב  לֹ֣א  מָצָֽאוּ׃  5   רְעֵבִ֥ים  גַּם־  צְמֵאִ֑ים  נַ֝פְשָׁ֗ם  בָּהֶ֥ם  תִּתְעַטָּֽף׃  6   וַיִּצְעֲק֣וּ  אֶל־  יְ֭הוָה  בַּצַּ֣ר  לָהֶ֑ם  מִ֝מְּצֽוּקֹותֵיהֶ֗ם  יַצִּילֵֽם׃  7   וַ֭יַּֽדְרִיכֵם  בְּדֶ֣רֶךְ  יְשָׁרָ֑ה  לָ֝לֶ֗כֶת  אֶל־  עִ֥יר  מֹושָֽׁב׃  8   יֹוד֣וּ  לַיהוָ֣ה  חַסְדֹּ֑ו  וְ֝נִפְלְאֹותָ֗יו  לִבְנֵ֥י  אָדָֽם׃  9   כִּי־  הִ֭שְׂבִּיעַ  נֶ֣פֶשׁ  שֹׁקֵקָ֑ה  וְנֶ֥פֶשׁ  רְ֝עֵבָה  מִלֵּא־  טֹֽוב׃ 


Over captives
10   יֹ֭שְׁבֵי  חֹ֣שֶׁךְ  וְצַלְמָ֑וֶת  אֲסִירֵ֖י  עֳנִ֣י  וּבַרְזֶֽל׃  11   כִּֽי־  הִמְר֥וּ  אִמְרֵי־  אֵ֑ל  וַעֲצַ֖ת  עֶלְיֹ֣ון  נָאָֽצוּ׃  12   וַיַּכְנַ֣ע  בֶּעָמָ֣ל  לִבָּ֑ם  כָּ֝שְׁל֗וּ  וְאֵ֣ין  עֹזֵֽר׃  13   וַיִּזְעֲק֣וּ  אֶל־  יְ֭הוָה  בַּצַּ֣ר  לָהֶ֑ם  מִ֝מְּצֻֽקֹותֵיהֶ֗ם  יֹושִׁיעֵֽם׃  14   יֹֽ֭וצִיאֵם  מֵחֹ֣שֶׁךְ  וְצַלְמָ֑וֶת  וּמֹוסְרֹ֖ותֵיהֶ֣ם  יְנַתֵּֽק׃  15   יֹוד֣וּ  לַיהוָ֣ה  חַסְדֹּ֑ו  וְ֝נִפְלְאֹותָ֗יו  לִבְנֵ֥י  אָדָֽם׃  16   כִּֽישִׁ֭־  בַּר  דַּלְתֹ֣ות  נְחֹ֑שֶׁת  וּבְרִיחֵ֖י  בַרְזֶ֣ל  גִּדֵּֽעַ׃ 


Over sick men
17   אֱ֭וִלִים  מִדֶּ֣רֶךְ  פִּשְׁעָ֑ם  וּֽ֝מֵעֲוֹֽנֹתֵיהֶ֗ם  יִתְעַנּֽוּ׃  18   כָּל־  אֹ֭כֶל  תְּתַעֵ֣ב  נַפְשָׁ֑ם  וַ֝יַּגִּ֗יעוּ  עַד־  שַׁ֥עֲרֵי  מָֽוֶת׃  19   וַיִּזְעֲק֣וּ  אֶל־  יְ֭הוָה  בַּצַּ֣ר  לָהֶ֑ם  מִ֝מְּצֻֽקֹותֵיהֶ֗ם  יֹושִׁיעֵֽם׃  20   יִשְׁלַ֣ח  דְּ֭בָרֹו  וְיִרְפָּאֵ֑ם  וִֽ֝ימַלֵּ֗ט  מִשְּׁחִיתֹותָֽם׃    21   יֹוד֣וּ  לַיהוָ֣ה  חַסְדֹּ֑ו  וְ֝נִפְלְאֹותָ֗יו  לִבְנֵ֥י  אָדָֽם׃    22   וְ֭יִזְבְּחוּ  זִבְחֵ֣י  תֹודָ֑ה  וִֽיסַפְּר֖וּ  מַעֲשָׂ֣יו  בְּרִנָּֽה׃   


Over sailors
23   יֹורְדֵ֣י  הַ֭יָּם  בָּאֳנִיֹּ֑ות  עֹשֵׂ֥י  מְ֝לָאכָ֗ה  בְּמַ֣יִם  רַבִּֽים׃    24   הֵ֣מָּה  רָ֭אוּ  מַעֲשֵׂ֣י  יְהוָ֑ה  וְ֝נִפְלְאֹותָ֗יו  בִּמְצוּלָֽה׃    25   וַיֹּ֗אמֶר  וַֽ֭יַּעֲמֵד  ר֣וּחַ  סְעָרָ֑ה  וַתְּרֹומֵ֥ם  גַּלָּֽיו׃    26   יַעֲל֣וּ  מַיִם  יֵרְד֣וּ  תְהֹומֹ֑ות  נַ֝פְשָׁ֗ם  בְּרָעָ֥ה  תִתְמֹוגָֽג׃  27   יָחֹ֣וגּוּ  וְ֭יָנוּעוּ  כַּשִּׁכֹּ֑ור  וְכָל־  חָ֝כְמָתָ֗ם  תִּתְבַּלָּֽע׃  28   וַיִּצְעֲק֣וּ  אֶל־  יְ֭הוָה  בַּצַּ֣ר  לָהֶ֑ם  וּֽ֝מִמְּצֽוּקֹתֵיהֶ֗ם  יֹוצִיאֵֽם׃  29   יָקֵ֣ם  סְ֭עָרָה  לִדְמָמָ֑ה  וַ֝יֶּחֱשׁ֗וּ  גַּלֵּיהֶֽם׃  30   וַיִּשְׂמְח֥וּ  כִֽי־  יִשְׁתֹּ֑קוּ  וַ֝יַּנְחֵ֗ם  אֶל־  מְחֹ֥וז  חֶפְצָֽם׃  31   יֹוד֣וּ  לַיהוָ֣ה  חַסְדֹּ֑ו  וְ֝נִפְלְאֹותָ֗יו  לִבְנֵ֥י  אָדָֽם׃  32   וִֽ֭ירֹמְמוּהוּ  בִּקְהַל־  עָ֑ם  וּבְמֹושַׁ֖ב  זְקֵנִ֣ים  יְהַלְלֽוּהוּ׃ 


And in diverse varieties of life.
33   יָשֵׂ֣ם  נְהָרֹ֣ות  לְמִדְבָּ֑ר  וּמֹצָ֥אֵי  מַ֝֗יִם  לְצִמָּאֹֽון׃  34   אֶ֣רֶץ  פְּ֭רִי  לִמְלֵחָ֑ה  מֵ֝רָעַ֗ת  יֹ֣שְׁבֵי  בָֽהּ׃  35   יָשֵׂ֣ם  מִ֭דְבָּר  לַֽאֲגַם־  מַ֑יִם  וְאֶ֥רֶץ  צִ֝יָּ֗ה  לְמֹצָ֥אֵי  מָֽיִם׃  36   וַיֹּ֣ושֶׁב  שָׁ֣ם  רְעֵבִ֑ים  וַ֝יְכֹונְנ֗וּ  עִ֣יר  מֹושָֽׁב׃  37   וַיִּזְרְע֣וּ  דֹות  וַיִּטְּע֣וּ  כְרָמִ֑ים  וַ֝יַּעֲשׂ֗וּ  פְּרִ֣י  תְבֽוּאָה׃  38   וַיְבָרֲכֵ֣ם  וַיִּרְבּ֣וּ  מְאֹ֑ד  וּ֝בְהֶמְתָּ֗ם  לֹ֣א  יַמְעִֽיט׃  39   וַיִּמְעֲט֥וּ  וַיָּשֹׁ֑חוּ  מֵעֹ֖צֶר  רָעָ֣ה  וְיָגֹֽון׃    40   שֹׁפֵ֣ךְ  בּ֭וּז  עַל־  נְדִיבִ֑ים  וַ֝יַּתְעֵ֗ם  בְּתֹ֣הוּ  לֹא־  דָֽרֶךְ׃  41   וַיְשַׂגֵּ֣ב  אֶבְיֹ֣ון  מֵעֹ֑ונִי  וַיָּ֥שֶׂם  כַּ֝צֹּ֗אן  מִשְׁפָּחֹֽות׃  42   יִרְא֣וּ  יְשָׁרִ֣ים  וְיִשְׂמָ֑חוּ  וְכָל־  עַ֝וְלָ֗ה  קָ֣פְצָה  פִּֽיהָ׃  43   מִי־  חָכָ֥ם  וְיִשְׁמָר־  אֵ֑לֶּה  וְ֝יִתְבֹּֽונְנ֗וּ  חַֽסְדֵ֥י  יְהוָֽה׃ 
<< Psalm 107 >>
Biblos Greek and Hebrew Study Bible © 2010 Biblos.com
Online Parallel Bible