<< Proverbs 9 HEB >>


The discipline
1   חָ֭כְמֹות  בָּנְתָ֣ה  בֵיתָ֑הּ  חָצְבָ֖ה  עַמּוּדֶ֣יהָ  שִׁבְעָֽה׃  2   טָבְחָ֣ה  טִ֭בְחָהּ  מָסְכָ֣ה  יֵינָ֑הּ  אַ֝֗ף  עָֽרְכָ֥ה  שֻׁלְחָנָֽהּ׃  3   שָֽׁלְחָ֣ה  נַעֲרֹתֶ֣יהָ  תִקְרָ֑א  עַל־  גַּ֝פֵּ֗י  מְרֹ֣מֵי  קָֽרֶת׃ 


and the doctrine of wisdom
4   מִי־  פֶ֭תִי  יָסֻ֣ר  הֵ֑נָּה  חֲסַר־  לֵ֝֗ב  אָ֣מְרָה  לֹּֽו׃  5   לְ֭כוּ  לַחֲמ֣וּ  בְֽלַחֲמִ֑י  וּ֝שְׁת֗וּ  בְּיַ֣יִן  מָסָֽכְתִּי׃  6   עִזְב֣וּ  פְתָאיִ֣ם  וִֽחְי֑וּ  וְ֝אִשְׁר֗וּ  בְּדֶ֣רֶךְ  בִּינָֽה׃  7   יֹ֤סֵ֨ר  לֵ֗ץ  לֹקֵ֣חַֽ  לֹ֣ו  קָלֹ֑ון  וּמֹוכִ֖יחַ  לְרָשָׁ֣ע  מוּמֹֽו׃  8   אַל־  תֹּ֣וכַח  לֵ֭ץ  פֶּן־  יִשְׂנָאֶ֑ךָּ  הֹוכַ֥ח  לְ֝חָכָ֗ם  וְיֶאֱהָבֶֽךָּ׃  9   תֵּ֣ן  לְ֭חָכָם  וְיֶחְכַּם־  עֹ֑וד  הֹודַ֥ע  לְ֝צַדִּ֗יק  וְיֹ֣וסֶף  לֶֽקַח׃  פ  10   תְּחִלַּ֣ת  חָ֭כְמָה  יִרְאַ֣ת  יְהוָ֑ה  וְדַ֖עַת  קְדֹשִׁ֣ים  בִּינָֽה׃  11   כִּי־  בִ֭י  יִרְבּ֣וּ  יָמֶ֑יךָ  וְיֹוסִ֥יפוּ  לְּ֝ךָ֗  שְׁנֹ֣ות  חַיִּֽים׃  12   אִם־  חָ֭כַמְתָּ  חָכַ֣מְתָּ  לָּ֑ךְ  וְ֝לַ֗צְתָּ  לְֽבַדְּךָ֥  תִשָּֽׂא׃ 


The custom
13   אֵ֣שֶׁת  כְּ֭סִילוּת  הֹֽמִיָּ֑ה  פְּ֝תַיּ֗וּת  וּבַל־  יָ֥דְעָה  מָּֽה׃  14   וְֽ֭יָשְׁבָה  לְפֶ֣תַח  בֵּיתָ֑הּ  עַל־  כִּ֝סֵּ֗א  מְרֹ֣מֵי  קָֽרֶת׃  15   לִקְרֹ֥א  לְעֹֽבְרֵי־  דָ֑רֶךְ  הַֽ֝מְיַשְּׁרִ֗ים  אֹֽרְחֹותָֽם׃ 


and error of folly
16   מִי־  פֶ֭תִי  יָסֻ֣ר  הֵ֑נָּה  וַחֲסַר־  לֵ֝֗ב  וְאָ֣מְרָה  לֹּֽו׃  17   מַֽיִם־  גְּנוּבִ֥ים  יִמְתָּ֑קוּ  וְלֶ֖חֶם  סְתָרִ֣ים  יִנְעָֽם׃  18   וְֽלֹא־  יָ֭דַע  כִּֽי־  רְפָאִ֣ים  שָׁ֑ם  בְּעִמְקֵ֖י  שְׁאֹ֣ול  קְרֻאֶֽיהָ׃  פ 
<< Proverbs 9 >>
Biblos Greek and Hebrew Study Bible © 2010 Biblos.com
Online Parallel Bible