<< Acts 6 GRK >>


The apostles, desirous to have the poor cared for,
   1   Ἐν  δὲ  ταῖς  ἡμέραις  ταύταις  πληθυνόντων  τῶν  μαθητῶν  ἐγένετο  γογγυσμὸς  τῶν  Ἑλληνιστῶν  πρὸς  τοὺς  Ἑβραίους,  ὅτι  παρεθεωροῦντο  ἐν  τῇ  διακονίᾳ  τῇ  καθημερινῇ  αἱ  χῆραι  αὐτῶν. 


as also careful themselves to dispense the word of God, the food of the soul,
2   προσκαλεσάμενοι  δὲ  οἱ  δώδεκα  τὸ  πλῆθος  τῶν  μαθητῶν  εἶπαν·  οὐκ  ἀρεστόν  ἐστιν  ἡμᾶς  καταλείψαντας  τὸν  λόγον  τοῦ  θεοῦ  διακονεῖν  τραπέζαις. 


recommend,
3   ἐπισκέψασθε  δὲ,  ἀδελφοί,  ἄνδρας  ἐξ  ὑμῶν  μαρτυρουμένους  ἑπτά,  πλήρεις  πνεύματος  καὶ  σοφίας,  οὓς  καταστήσομεν  ἐπὶ  τῆς  χρείας  ταύτης,  4   ἡμεῖς  δὲ  τῇ  προσευχῇ  καὶ  τῇ  διακονίᾳ  τοῦ  λόγου  προσκαρτερήσομεν. 


and with the church's consent ordain seven chosen men to the office of deaconship.
5   καὶ  ἤρεσεν  ὁ  λόγος  ἐνώπιον  παντὸς  τοῦ  πλήθους  καὶ  ἐξελέξαντο  Στέφανον,  ἄνδρα  πλήρη  πίστεως  καὶ  πνεύματος  ἁγίου,  καὶ  Φίλιππον  καὶ  Πρόχορον  καὶ  Νικάνορα  καὶ  Τίμωνα  καὶ  Παρμενᾶν  καὶ  Νικόλαον  προσήλυτον  Ἀντιοχέα,  6   οὓς  ἔστησαν  ἐνώπιον  τῶν  ἀποστόλων  καὶ  προσευξάμενοι  ἐπέθηκαν  αὐτοῖς  τὰς  χεῖρας. 


The word of God prevails,
   7   Καὶ  ὁ  λόγος  τοῦ  θεοῦ  ἠύξανεν  καὶ  ἐπληθύνετο  ὁ  ἀριθμὸς  τῶν  μαθητῶν  ἐν  Ἰερουσαλὴμ  σφόδρα,  πολύς  τε  ὄχλος  τῶν  ἱερέων  ὑπήκουον  τῇ  πίστει. 


Stephen, full of faith and the Holy Spirit, confuting those with whom he disputed,
   8   Στέφανος  δὲ  πλήρης  χάριτος  καὶ  δυνάμεως  ἐποίει  τέρατα  καὶ  σημεῖα  μεγάλα  ἐν  τῷ  λαῷ.  9   ἀνέστησαν  δέ  τινες  τῶν  ἐκ  τῆς  συναγωγῆς  τῆς  λεγομένης  Λιβερτίνων  καὶ  Κυρηναίων  καὶ  Ἀλεξανδρέων  καὶ  τῶν  ἀπὸ  Κιλικίας  καὶ  Ἀσίας  συζητοῦντες  τῷ  Στεφάνῳ,  10   καὶ  οὐκ  ἴσχυον  ἀντιστῆναι  τῇ  σοφίᾳ  καὶ  τῷ  πνεύματι  ᾧ  ἐλάλει.  11   τότε  ὑπέβαλον  ἄνδρας  λέγοντας  ὅτι  ἀκηκόαμεν  αὐτοῦ  λαλοῦντος  ῥήματα  βλάσφημα  εἰς  Μωϋσῆν  καὶ  τὸν  θεόν. 


is brought before the council,
12   συνεκίνησαν  τε  τὸν  λαὸν  καὶ  τοὺς  πρεσβυτέρους  καὶ  τοὺς  γραμματεῖς  καὶ  ἐπιστάντες  συνήρπασαν  αὐτὸν  καὶ  ἤγαγον  εἰς  τὸ  συνέδριον, 


and falsely accused of blasphemy against the law and the temple.
13   ἔστησαν  τε  μάρτυρας  ψευδεῖς  λέγοντας·  ὁ  ἄνθρωπος  οὗτος  οὐ  παύεται  λαλῶν  ῥήματα  κατὰ  τοῦ  τόπου  τοῦ  ἁγίου  τούτου  καὶ  τοῦ  νόμου·  14   ἀκηκόαμεν  γὰρ  αὐτοῦ  λέγοντος  ὅτι  Ἰησοῦς  ὁ  Ναζωραῖος  οὗτος  καταλύσει  τὸν  τόπον  τοῦτον  καὶ  ἀλλάξει  τὰ  ἔθη  ἃ  παρέδωκεν  ἡμῖν  Μωϋσῆς.  15   καὶ  ἀτενίσαντες  εἰς  αὐτὸν  πάντες  οἱ  καθεζόμενοι  ἐν  τῷ  συνεδρίῳ  εἶδον  τὸ  πρόσωπον  αὐτοῦ  ὡσεὶ  πρόσωπον  ἀγγέλου. 
<< Acts 6 >>
Biblos Greek and Hebrew Study Bible © 2010 Biblos.com
Online Parallel Bible