<< 1 Corinthians 12 GRK >>


Spiritual gifts,
   1   Περὶ  δὲ  τῶν  πνευματικῶν,  ἀδελφοί,  οὐ  θέλω  ὑμᾶς  ἀγνοεῖν.  2   Οἴδατε  ὅτι  ὅτε  ἔθνη  ἦτε  πρὸς  τὰ  εἴδωλα  τὰ  ἄφωνα  ὡς  ἂν  ἤγεσθε  ἀπαγόμενοι.  3   διὸ  γνωρίζω  ὑμῖν  ὅτι  οὐδεὶς  ἐν  πνεύματι  θεοῦ  λαλῶν  λέγει·  Ἀνάθεμα  Ἰησοῦς,  καὶ  οὐδεὶς  δύναται  εἰπεῖν·  Κύριος  Ιησοῦς,  εἰ  μὴ  ἐν  πνεύματι  ἁγίῳ. 


are diverse,
   4   Διαιρέσεις  δὲ  χαρισμάτων  εἰσιν,  τὸ  δὲ  αὐτὸ  πνεῦμα·  5   καὶ  διαιρέσεις  διακονιῶν  εἰσιν,  καὶ  ὁ  αὐτὸς  κύριος·  6   καὶ  διαιρέσεις  ἐνεργημάτων  εἰσιν,  καὶ  ὁ  αὐτὸς  θεὸς  ὁ  ἐνεργῶν  τὰ  πάντα  ἐν  πᾶσιν. 


yet to profit all.
7   ἑκάστῳ  δὲ  δίδοται  ἡ  φανέρωσις  τοῦ  πνεύματος  πρὸς  τὸ  συμφέρον. 


And to that end are diversely bestowed;
8   ᾧ  μὲν  γὰρ  διὰ  τοῦ  πνεύματος  δίδοται  λόγος  σοφίας,  ἄλλῳ  δὲ  λόγος  γνώσεως  κατὰ  τὸ  αὐτὸ  πνεῦμα,  9   ἑτέρῳ  πίστις  ἐν  τῷ  αὐτῷ  πνεύματι,  ἄλλῳ  δὲ  χαρίσματα  ἰαμάτων  ἐν  τῷ  ἑνὶ  πνεύματι,  10   ἀλλῷ  δὲ  ἐνεργήματα  δυνάμεων,  ἄλλῳ  δὲ  προφητεία  ἄλλῳ  δὲ  διακρίσεις  πνευμάτων,  ἑτέρῳ  γένη  γλωσσῶν,  ἄλλῳ  δὲ  ἑρμηνεία  γλωσσῶν·  11   πάντα  δὲ  ταῦτα  ἐνεργεῖ  τὸ  ἓν  καὶ  τὸ  αὐτὸ  πνεῦμα  διαιροῦν  ἰδίᾳ  ἑκάστῳ  καθὼς  βούλεται. 


as the members of a natural body tend all to the mutual decency,
   12   Καθάπερ  γὰρ  τὸ  σῶμα  ἕν  ἐστιν  καὶ  μέλη  πολλὰ  ἔχει  πάντα  δὲ  τὰ  μέλη  τοῦ  σώματος  πολλὰ  ὄντα  ἓν  ἐστιν  σῶμα,  οὕτως  καὶ  ὁ  Χριστός·  13   καὶ  γὰρ  ἐν  ἑνὶ  πνεύματι  ἡμεῖς  πάντες  εἰς  ἓν  σῶμα  ἐβαπτίσθημεν,  εἴτε  Ἰουδαῖοι  εἴτε  Ἕλληνες  εἴτε  δοῦλοι  εἴτε  ἐλεύθεροι,  καὶ  πάντες  ἓν  πνεῦμα  ἐποτίσθημεν.  14   Καὶ  γὰρ  τὸ  σῶμα  οὐκ  ἐστιν  ἓν  μέλος  ἀλλὰ  πολλά.  15   ἐὰν  εἴπῃ  ὁ  πούς·  ὅτι  οὐκ  εἰμὶ  χείρ,  οὐκ  εἰμὶ  ἐκ  τοῦ  σώματος,  οὐ  παρὰ  τοῦτο  οὐκ  ἔστιν  ἐκ  τοῦ  σώματος;  16   καὶ  ἐὰν  εἴπῃ  τὸ  οὖς·  ὅτι  οὐκ  εἰμι  ὀφθαλμός,  οὐκ  εἰμι  ἐκ  τοῦ  σώματος,  οὐ  παρὰ  τοῦτο  οὐκ  ἔστιν  ἐκ  τοῦ  σώματος;  17   εἰ  ὅλον  τὸ  σῶμα  ὀφθαλμός,  ποῦ  ἡ  ἀκοή;  εἰ  ὅλον  ἀκοή,  ποῦ  ἡ  ὄσφρησις;  18   νῦν  δὲ  ὁ  θεὸς  ἔθετο  τὰ  μέλη  ἐν  ἕκαστον  αὐτῶν  ἐν  τῷ  σώματι  καθὼς  ἠθέλησεν.  19   εἰ  δὲ  ἦν  τὰ  πάντα  ἓν  μέλος,  ποῦ  τὸ  σῶμα;  20   νῦν  δὲ  πολλὰ  μέλη,  ἓν  δὲ  σῶμα.  21   οὐ  δύναται  δὲ  ὁ  ὀφθαλμὸς  εἰπεῖν  τῇ  χειρί·  χρείαν  σου  οὐκ  ἔχω,  ἢ  πάλιν  ἡ  κεφαλὴ  τοῖς  ποσίν·  χρείαν  ὑμῶν  οὐκ  ἔχω· 


service,
22   ἀλλὰ  πολλῷ  μᾶλλον  τὰ  δοκοῦντα  μέλη  τοῦ  σώματος  ἀσθενέστερα  ὑπάρχειν  ἀναγκαῖα  ἐστιν,  23   καὶ  ἃ  δοκοῦμεν  ἀτιμότερα  εἶναι  τοῦ  σώματος  τούτοις  τιμὴν  περισσοτέραν  περιτίθεμεν,  καὶ  τὰ  ἀσχήμονα  ἡμῶν  εὐσχημοσύνην  περισσοτέραν  ἔχει,  24   τὰ  δὲ  εὐσχήμονα  ἡμῶν  οὐ  χρείαν  ἔχει.  ἀλλὰ  ὁ  θεὸς  συνεκέρασεν  τὸ  σῶμα  τῷ  ὑστερουμένῳ  περισσοτέραν  δοὺς  τιμήν,  25   ἵνα  μὴ  ᾖ  σχίσμα  ἐν  τῷ  σώματι  ἀλλὰ  τὸ  αὐτὸ  ὑπὲρ  ἀλλήλων  μεριμνῶσιν  τὰ  μέλη. 


and helpfulness of the same body;
26   καὶ  εἴτε  πάσχει  ἓν  μέλος,  συμπάσχει  πάντα  τὰ  μέλη·  εἴτε  δοξάζεται  μέλος,  συγχαίρει  πάντα  τὰ  μέλη. 


so we should do for one another, to make up the body of Christ.
   27   ὑμεῖς  δὲ  ἐστε  σῶμα  Χριστοῦ  καὶ  μέλη  ἐκ  μέρους.  28   Καὶ  οὓς  μὲν  ἔθετο  ὁ  θεὸς  ἐν  τῇ  ἐκκλησίᾳ  πρῶτον  ἀποστόλους,  δεύτερον  προφήτας,  τρίτον  διδασκάλους  ἔπειτα  δυνάμεις,  ἔπειτα  χαρίσματα  ἰαμάτων,  ἀντιλήμψεις  κυβερνήσεις,  γένη  γλωσσῶν.  29   μὴ  πάντες  ἀπόστολοι;  μὴ  πάντες  προφῆται;  μὴ  πάντες  διδάσκαλοι;  μὴ  πάντες  δυνάμεις;  30   μὴ  πάντες  χαρίσματα  ἔχουσιν  ἰαμάτων;  μὴ  πάντες  γλώσσαις  λαλοῦσιν;  μὴ  πάντες  διερμηνεύουσιν;  31   ζηλοῦτε  δὲ  τὰ  χαρίσματα  τὰ  μείζονα. 
   Καὶ  ἔτι  καθ’  ὑπερβολὴν  ὁδὸν  ὑμῖν  δείκνυμι. 
<< 1 Corinthians 12 >>
Biblos Greek and Hebrew Study Bible © 2010 Biblos.com
Online Parallel Bible