Salvus, incolumisque Salvianus,
Magnus Scriptor, Episcopus probatus,
Antiquum reparatus in decorem,
In lucem venit omine auspicato,
Vitae Regula, Episcopon Magister;
Dignus nomine, et hoc honore dignus.
Scriptorum decus elegantiorum;
Dignus, quem studiis, modisque cunctis
Mirentur, celebrent, legant frequentes
Quot sunt, aut aliis erunt in annis.
Hunc, lector, precor, accipe explicata
Fronte, hunc delicias tuas putabis.
Illum plus oculis tuis amabis,
Meras delicias, meros lepores,
Inscriptum simul, et tibi dicatum,
Salvum, incolumemque Salvianum.

-- Brassicanus